"EAEko ikasleen euskararen erabilera eskola-giroan 2011-2015" txostena Eusko Legebiltzarreko Hezkuntza Batzordean aurkeztu da

Mar
7

ARRUE proiektuaren baitan 2011 eta 2015 artean jasotako datuetan oinarritutako emaitzak 2017ko udazkenean aurkeztu ziren. Orain, Euskal Autonomia Erkidegoko Legebiltzarreko Hezkuntza Batzordean berariazko aurkezpena egin du Soziolinguistika Klusterrak, talde politikoei emaitzen berri zuzenean emateko.

Gasteizko kaleetako hizkuntza erabileraren datuen aurkezpena

Ots
7

Joan den urtarrilaren 24an Gasteizko Oihaneder Euskararen Etxean aurkeztu zituen Soziolinguistika Klusterrak 2016ko Gasteizko Hizkuntza Erabileraren Kale Neurketaren emaitzak. Euskal Herri mailako Kale Neurketaren testuinguruan, beste hainbat herritan egin bezala, Vitoria-Gasteizko Udalak berariazko datu-bilketa eskatu zuen hiri-mailako datuak eta auzoz-auzoko emaitza esanguratsuak eskuratu ahal izateko. Olatz Altuna ikerketaren zuzendariak egin zuen aurkezpena.

Urko Ikardok irabazi du Hausnartu saria Lapurdiko kostaldeko ikastoletako guraso erdaldunei buruzko lanarekin

Urt
15

HAUSNARTU Soziolinguistika Sarien X. edizioa izan da 2017koa. Urtero bezala hainbat jakintza arlotatik euskal soziolinguistikari ekarpena egiten dioten lanak jaso dira, eta epaimahaiaren erabakiz lehen saria Urko Ikardo Enparanentzat izango da, “Ikastoletako guraso erdaldunak eta euskararen jarraipena Lapurdiko kostaldean” izeneko lanarengatik.

Euskal Soziolinguistika Jardunaldiko bideoak ikusgai daude

Abe
18

Azaroaren 22an UEMAk eta Soziolinguistika Klusterrak antolatutako "Arnasguneak eta udalerri euskaldunak: gaurko eta biharko erronkak" jardunaldiko saioak ikusgai daude bideoan. Zehazki Mikel Zalbideren hitzaldia, Iñaki Agirreazkuenagarekin elkarrizketa eta Olatz Altunaren aurkezpena daude bideoan jasota, bertan egoterik izan ez zuenak ikusteko moduan. Grabazio hauek egiteaz EHUren ikus-entzunezko zerbitzuak arduratu dira, EHUk jardunaldiari eman dion laguntzaren baitan.

Orriak