2014az geroztik martxan da Bergaran Berbekin programa. Bergarako Udalaren laguntzarekin eta Soziolinguistika Klusterraren gidaritzan Aranzadi, Ipintza eta Mariaren Lagundia ikastetxeetan bideratzen ari da Berbazko Komunikazioa Indartzeko programa.
Proiektu honen harira, datorkigu “Ikasleen euskarazko ahozko gaitasuna lantzeko eta hobetzeko egitasmoa" hitzaldirako gonbita. Helburu berarekin diharduen ikastetxe baten esperientziaren kontaketa elkarbanatzeko aukera izango dugu.
Hala beraz, honako hitzaldira gonbidatzen zaituztegu:

Euskal Herriko VII. Kale Neurketako datu-bilketa burutu genuen 2016ko udazkenean. Datu-bilketa zabal honen baitan, hainbat udalerri izan ziren Soziolinguistika Klusterrari bertako kale erabilera datu adierazgarriak eskuratzeko eskaera luzatu ziotenak. Horregatik, udazken honetako datu-bilketa osatze aldera, Euskal Herriko 30 udalerri ingurutan berariazko diseinua osatu zen herri horietako errealitate hurbilagoa kontuan hartuz eta hainbat ibilbide zein neurraldi ezberdin diseinatuz.

Mario Zapatak, Txerra Rodriguezek eta Irati Lizeagak aurkeztu zituzten euren lanak San Telmo Museoan otsailaren 3an izandako ekitaldian. Dagoeneko, Soziolinguistika Klusterreko webgunean daude ikusgai aurkezpen horiek.

Hizkuntza-erabileraren Euskal Herriko Kale Neurketa 1989. urtean egin zen lehen aldiz, eta geroztik maiztasun jakin batekin (lau urtez behin hasieran, eta bost urtez behin gaur egun) sei alditan errepikatu da: 1993an, 1997an, 2001ean, 2006an, 2011n eta 2016an. Soziolinguistika Klusterrak izan du ikerketa aurrera eramateko ardura azken lau ediziotan (aurrez EKB-ren eta SEI-ren esku egon zen), eta VII. edizio honen datu-bilketa 2016ko udazkenean burutu dugu.

Mario Zapataren Migratzaileen harrera, gutxiagotutako hizkuntzen testuinguruan  artikuluak zabaltzen du BAT aldizkariaren 102. zenbakia,  IX HAUSNARTU Soziolinguistika Lehiaketan lehen saria irabazle duen lanak. Bigarren eta hirugarren sariak jaso dituzten Txerra Rodriguezen eta Irati Lizeagaren artikuluak ere irakur daitezke bertan.

Mario Zapatak jaso zuen IX. HAUSNARTU – EUSKAL SOZIOLINGUISTIKA LEHIAKETAREN lehen saria Donostiako San Telmo museoan, otsailaren 3an egin zen sari-banaketa ekitaldian. Egileak bertan aurkeztu zuen "Migratzaileen harrera, gutxiagotutako hizkuntzen testuinguruan" saritutako lana.

Unibertsitatearen erantzukizun soziala euskararekiko gai monografikoa hartuta, EHUko udako ikastaroan oinarritutako artikuluak argitaratu ditu aldizkariak. Hauek dira bertan emaniko artikuluen egileak: J. Inazio Marko Juanikorena, Eduardo Apodaka, Iñaki Martinez de Luna eta Gwerfyl Roberts. Horiez gain beste egile hauek ere eman dituzte artikuluak: Aitor Montes, Josune Zabala, Jon Artza, Xulio Viejo eta Beñat Garaio.