Udako oporraldia dela eta, Soziolinguistika albistariaren hurrengo zenbakia irailaren 7an publikatuko da. Bertan bilduko dira uda garaian izan diren soziolinguistika arloko berriak.
Azken asteetan eman dira jakitera VI. Inkesta Soziolinguistikoaren eta VII. Hizkuntzen Erabileraren Kale-Neurketaren emaitzak. Datu hauek guztiak sakonago aztertzeko Soziolinguistika Klusterrak, Eusko Jaurlaritzako Hizkuntza Politikarako Sailburuordetzarekin batera, ikastaro bat antolatu du EHUren Udako Ikastaroen barnean. Donostiako Miramar Jauregian izango da, datozen uztailaren 20 eta 21ean: “Euskararen erabilera: egoera, bilakaera eta norabidea, datuen argitan”
Hizkuntzen Erabileraren VII. Kale-Neurketaren emaitzak aurkeztu ditu Soziolinguistika Klusterrak, EHUren Ibaetako Campusean egindako agerraldian.
Olatz Altuna Ikerketaren zuzendariak eman du 2016an Euskal Herri osoan behaketa bidez jasotako datuen berri. Ikerketa honetan, Euskal Herri osoko 144 udalerritako kaleetan jaso dira datuak, eta 187.635 elkarrizketaren nahiz 515.260 solaskideren informazioa bildu da. Jasotako datuen bolumen handi horrek bermatzen ditu fidagarritasun estatistikorako baldintzak.
Euskara eta gizartea gai hartzen dituzten ikerketa lanak ezagutzera emateko xedez, Soziolinguistika Kluserrak Hausnartu Sarien X. edizioa ospatuko du aurten. Izaera zientifikoa duten euskal soziolinguistika esparruko ikerketak eta hausnarketa lanek hemendik eta irailaren 30 bitarte izango dute bertan aurkezteko aukera.
SARIAK:
• Lehen saria 1500euro eta Jose Luis Zumetaren litografia bat
• Bigarren saria 1000 euro
• Hirugarren saria 700 euro
Lehiaketaren inguruko informazio gehiago eskuratzeko:
Hizkuntzen Erabileraren Kale-Neurketak Euskal Herriko kaleetan euskara zenbat erabiltzen den adierazten du. Uztailaren 12an, goizeko 11:30ean, EHUko Gipuzkoako Campuseko Joxe Mari Korta eraikinean aurkeztuko dira ikerketaren 2016ko emaitzak prentsaurreko agerraldian.
Hogeita bost parte hartzaile izan dira uztailaren 3an eta 4an, Donostiako Miramar Jauregian egindako tailerrean. Olatz Bengoetxea eta Josune Zabalaren izan ditu zuzendari EHUko XXXVI Uda Ikastaroen baitan hirugarren urtez antolatutako ekimenak.
Bakea eta Duintasuna Elkarteak, Antxeta Irratiak eta Arrosa Sareak, "Hizkuntza minorizatuak eta irrati libreak" topaketa antolatu zuten ekainaren 28tik 30era. Bertan parte hartzera etorritako nazioarteko ordezkariek euskararen biziberritzearen inguruan lanean diharduten hainbat erakunde eta elkarte ezagutzeko probestu dute aukera.
Soziolinguistika Klusterrak ekainaren 26an burutu du Eusle metodologiari buruzko formazio-saioa EHUko Donostiako Irakasleen Unibertsitate Eskolan. Bertan izan dira Aldahitz ikerketako Garapen Taldeko kide diren AEK-Ahize, Artez Euskara Zerbitzua, Elhuyar Aholkularitza, Emun Koop. E, Gipuzkoako Foru Aldundia eta Eusko Jaurlaritza erakundeetako 25 teknikari. Saioa ikerketako zuzendari den Pello Jauregik (EHU) eta Pablo Suberbiola Klusterreko ikerlari-teknikariak gidatu dute.
Jendaurrean Erabili proiektutik eratorritako Gipuzkoako adarrean bi lan-saio egin dira dagoeneko. Gipuzkoako gizartean erreferentziazkoak diren erakundeen ordezkariek euren esperientziak elkarrekin kontrastatzeko ariketak burutu dituzte.
Ekainaren 7tik 9ra, Val di Fassan (Ladinieraren lurraldean) egin du Hizkuntza Berdintasuna Sustatzeko Sareak topaketa.
