Soziolinguistikaz berripapera

Gure zerrendetan harpidetza egin edo eteteko ondorengo form hau erabil ezazu, mesedez

Sar ezazu harpidetu nahi duzun helbidea lehio honetan:

Zerrendetarako harpidetza eten

BERRIPAPERA jaso nahi luketen eragile gehiago ezagutzen badituzu sar ezazu euren helbidea goiko lehioan eta jasoko dute mezu bat egindako harpidetza baieztatzeko eskatuz.

Bestelako edozein argibiderako ere, idatzi soziolinguistika@soziolinguistika.org helbidera

Soziolinguistikaz berripaperaren 01. zenbakia

Soziolinguistikaz word formatoan jaitsi nahi baduzu, sakatu hemen

Soziolinguistika Klusterraren izenean argitaratu den Soziolinguistikaz berripaperaren lehen zenbakia duzu hau. Berripaperak, soziolinguistikaren inguruko ekimen, jardunaldi, argitalpen, eta abarren berri emango dizu, bi hilean behin.

AGENDA

2005eko otsaila-apirila LINGUANET: lan munduko euskara planak LINGUANET ikastaroak euskara planen inguruko oinarrizko ezagutza teorikoa eta eguneroko praktiken esperientziak ezagutzeko aukera eskaintzen du. Ikastaroa 50 ordukoa izango da eta 5 ikasgai eskainiko dira, denak derrigorrezkoak. 35 ordu internet bidezko ikasgai teorikoetan gauzatu beharko dira eta 15 ordu 5 orduko aurrez aurreko tailer praktikoetan (hiru larunbatetan). Ikasleak material didaktikoa web gunean eskuratuko da. Ikasgai teorikoak

Euskara planen ikuspegi orokorra.
Diseinua.
Inplementazioa.
Jarraipena eta ebaluazioa.
Euskara-planak enpresa txiki eta ertainetan.

Tailer praktikoak

Diagnostikoa eta diseinua.
Inplementazioa.
Jarraipena eta ebaluazioa.

Ikastaroa otsailaren 7an hasi eta apirilaren 30ean bukatuko da. Ikastaroetan 41 ikaslek hartuko dute parte (BATeko harpidedun pertsonalentzat, % 15eko deskontua izan da)

Informazio gehiago: http://www.asmoz.org/LINGUANET/

2005eko urtarrila-martxoa Hizkuntza-teknologietako aplikazioen inguruko ikastaroak.UEU - Eibar. HIZTEKeko Batzorde Akademikoak konputagailuen alorrean trebatzeko ikastaro-zikloa antolatu du. Hizkuntza-teknologietarako aplikazioen inguruan formatzeko aukera eskaintzen dute, urtarrilean hasi eta martxoan amaituko den ziklo honetan:

Informazioaren bilaketa (I. Alegria - urtarrilak 24 eta 26).
Ediziorako tresnak (X. Arregi - otsailak 1 eta 3).
Itzulpen automatikoa (J. Abaitua eta K. Arrieta - otsailak 8 eta 10).
Hizketaren tratamendua (I. Hernaez eta K. Lopez de Ipiña- otsailak 15, 17, 22 eta 24).
Lokalizazioa (L. Fernandez- martxoak 15 eta 17).
Hizkuntzaren irakaskuntza (M. Maritxalar eta A. Diaz de Illarraza- martxoak 1, 3, 8 eta 10).

Ikastaro bakoitzean saio presentzialez gain lan praktiko tutorizatua ere izango da. Ikastaroa gainditzerakoan UEUren ziurtagiria emango da. Ordutegia: 16:00etatik 19:00etara. Lekua: UEUren Eibarko ikastetxe nagusia (Markeskoa). Prezioak: *2 egunetako ikastaroak: 53,5 € (bazkideak, 45,5 €) *4 egunetakoak: 107 € (bazkideak, 91 €) Matrikulazioa: Ikastaro bakoitza hasten den aurreko egunera arte izango da matrikulatzeko aukera. Talde txikiarentzako prestaturiko ikastaroak dira, plaza kopurua mugatua beraz. Informazio gehiago: titulazioak@ueu.org (Ainhoa Latatu - 943 82 14 26)

2005, otsailak 8-9 Hizkuntzak eta immigrazioa nazioarteko mintegia. Bilbo. Eusko Jaurlaritzako Kultura Sailak Hizkuntzak eta Immigrazioa nazioarteko mintegia antolatu du, UNESCO Etxeko "Hizkuntzen amarauna" proiektuko Batzorde Teknikoaren laguntzaz. Mintegiaren helburua, besteak beste, Euskal Herrian sortzen ari diren inguru eleanitz berriak ezagutaraztea izango da. Hitzaldien artean batzuk aipatzearren: Otsailak 8, asteartea (9:00etatik 18:00etara)

Hizkuntzen Amarauna (UNESCO etxea).
Immigrazio hizkuntzak eta hizkuntza politikak Herbeheretan.
Hizkuntzen irakaskuntza eta etorkinen eta errefuxiatuen integrazioa ipar eremuetan.
Hizkuntzak eta identitatea immigrazio testuinguruetan.

Otsailak 9, asteazkena (9:00etatik 18:30etara).

Evlang programa gizarte elebidunetan; Kataluniako adibidea.
Eleaniztasuna immigrazio testuinguruetan.
Euskal Herriko egoera. Immigrazio egoeretan nola sustatu norberaren hizkuntzaren eustea euskara ikasiz?

Izen-ematea: 944-276432 telefono zenbakian Lekua: Bilboko Euskalduna Jauregia. Informazio gehiago: www.amarauna-languages.com edo www.ejgv.euskadi.net

2005, martxoak 16-17 Kontsumitzaileen legea eta merkataritzako euskara planak jardunaldiak. Oñati. Debagoieneko udaletako euskara teknikariek, Hizkuntza Politikarako Sailburuordetzarekin eta Gipuzkoako Foru Aldundiarekin batera, jardunaldi bat antolatu dute. Gaia "kontsumitzaileen legea eta merkataritzako euskara planak" izango da. Hizlarien artean izango dira, besteak beste, elkarte hauetako ordezkariak: Eusko Jaurlaritza, Kataluniako Generalitateko Kultura Saila, Merkatarien Elkartea, Siadeco, hainbat udaletako teknikariak, Eroski, Elhuyar, Emun, Mondragon Unibertsitatea, Kontseilua, ... Eguna: martxoak 16 eta 17 Lekua: Oñati. Izen-ematea: datorren astean zabalduko da informazio zehatza izen-ematearen inguruan. Harremanetarako: amaia@debagoiena.net

2005, martxoak 20-23. Elebitasunaz Nazioarteko V. Sinposioa. Bartzelona. Elebitasunaren ikerketaren inguruko teoriaz eta metodoaz arituko dira hizlariak sinposio honetan. Aztertuko diren gaiak, eta hizlari gonbidatuak dira, orain artean:

S. Flynn (Massachusetts Tekn.Institutua, EEBB): Teoria formala eta 2.hizkuntzaren jabetza.
J. Kroll (Penn State, EEBB). Hurbilketa kognitiboa eta psikolinguistikoa elebitasunera.
I. Vila (Gironako Unib.): Eleaniztasuna Kataluniako hezkuntza sisteman.
J. Verschueren (Antwerp, Belgika): Pragmatikaren ekarpenak elebitasunaren ikerketarako.
L. Wei (Newcastle, Brit. Handia): Sare sozialaren ebaluazioa, elebitasunari dagokionean.

Izen-ematea: zabalik dago aukera web-ean bertan (https://www.eventszone.net/isb5/es/index.html) Lekua: Kataluniako Unibersitate Politeknikoko Iparraldeko Campusa. Bartzelona. Informazio gehiago: http://isb5.uab.es/cat/index.html Harremanetarako: isb5@uab.es (Melissa G. Moyer edo Marga Marí Klose)

EKIMENAK ETA KANPAINAK:

Praktikaldietako bekadunak. Asmoz Fundazioak HPSrekin lankidetza hitzarmena: Hiznet graduondokoa eginda duten bi ikaslek Hizkuntza Politikarako Sailburuordetzan praktikak egiteko aukera izango dute. Urtarrilean hasita, 6 hilabete iraungo ditu praktikaldi honek. Lana, berriz, ikerketa soziolinguistikoen inguruan eta ikerketen inplementazioaren ingurukoa izango da. Informazio gehiago: hiznet@infonegocio.com Beasaingo Udalaren eta EHUren (Soziologia Sailaren) arteko lankidetza: Azken urteotako moduan, aurten ere EHUren Soziologia Sailetik praktikaldiko lan bat egiteko pertsona bat hartu du Beasaingo Udalak. Baldintzak EHUk jarrita dituenak dira, eta 4-5 hilabete inguruko praktikaldia izango da. Aurtengo gaia, futbol-eskolaren hizkuntza-azterketa izenekoa da. Informazio gehiago: euskera@beasain.net

Lan munduan euskara normalizatzeko plana. Lan munduan euskara normalizatzeko plana egin dute Buruntzaldeko hainbat udalerrik. Andoain, Hernani, Astigarraga, Lasarte-Oria, Urnieta, eta Usurbil udalerriek lan mundua euskalduntzeko plana prestatu dute elkarrekin. EMUN Kooperatibaren bidez jarriko dute abian egitasmoa. Buruntzaldeko enpresetan euskararen erabilera handituz enpresei hobetzen laguntzea da ekimen honen erronka nagusia. Harremanetarako: ibon@emun.com

"Gure artean euskaraz". Helduen artean euskaraz hitz egiteko ohitura zabaltzeko helburuarekin, Gure artean euskaraz egitasmoa jarri dute martxan aurtengo ikasturtean ere Hernaniko ikastetxeek, Dobera euskara elkarteak, eta AEK euskaltegiak, Hernaniko Udaleko euskara batzordearen laguntzarekin. Ekimenak 2003-2004 ikasturteko esperientziari eman dio jarraipena, iazko balorazio positiboa ikusita egitasmoarekin jarraitzea erabaki baitute. Informazio gehiago: http://www.erabili.com/zer_berri/berriak/1105704816

Ofizialtasunaren inguruko kanpaina didaktikoa. Nafarroan euskararen ofizialtasuna eskatzeko kanpaina abian da Oinarriak taldearen eskutik. Helburu nagusia Euskararen Legea errotik aldatzea da. Nafarroako Parlamentuan sortutako hizkuntz politika aztertzeko ponentziatik Euskararen Legea aldatzeko sortu den aukeraren inguruko iritzia eskatu nahi die Oinarriak-ek herritarrei. kanpaina honetan Nafarroako txoko guztietara iristen saiatuko dira. Horretarako kartelak prestatzeaz gain nafar herriari zuzendutako eskuorriak zabalduko dituzte. Otsailaren 16an Iruñean egingo den manifestazioarekin amaituko da kanpaina.

IKERKETAK ETA AZTERKETA LANAK:

"Euskara, comunidad e identidad: elementos de transmisión, elementos de transgresión". Tesiaren egilea: Jone Miren Hernández García Tesiaren zuzendaria: Teresa del Valle. Datozen hiletan aurkeztuko da EHUko Baloreen Filosofia eta Gizarte Antropologiaren Sailean, Jone Miren Hernández Garcíak burututako tesia. Ondorengoa da aurkeztuko den tesiaren izenburua: "Euskara, comunidad e identidad: elementos de transmisión, elementos de transgresión". Ikerketa honek, gizarte antropologian katedraduna den Teresa del Valle izan du zuzendari. Tesiak azken 40 urtetan euskararen bilakaerari loturiko hainbat alderdi lantzen ditu (generoarena, esate baterako), komunitate zehatz batek izandako garapena abiapuntutzat hartuz. Harremanetarako: yvahegaj@sc.ehu.es

Euskal Herriko V. Kale Neurketa 2006an egingo da. Euskal Herriko Kale Neurketa 1989an egin zen lehen aldiz, EKBren eskutik. Geroztik, lau urtean behin errepikatu da. Maiztasun hori jarraituz, aurten behar luke V. Kale Neurketak. Baina, Neurketaren inguruko aditu-taldeak Kale Neurketa urtea zentsu eta errolda urtearekin parekatzea erabaki du. Beraz, Euskal Herriko V. Kale Neurketa 2006an egingo da, aurreko neurketen urte sasoi berean, azaroan. Ikerketa honek euskararen erabilera zertan den ezagutzeko informazio garrantzitsua eskainiko digu. Hainbat datu izango ditugu eskuartean: neurraldi bakoitzeko bilakaera, lurralde edo eredu soziolinguistiko ezberdinen alderaketa, adinaren araberako datuak... Beraz, informazio hori guztia 2007ko udaberri inguruan izango dugu. Harremanetarako: olatz@sortu.org

BAT SOZIOLINGUISTIKA ALDIZKARIA

Hurrengo zenbakia (54):

Dosierra: Euskararen erabileraren eta normalizazioaren azterketa udaletan:

EBPNren inguruko balorazioa.
EBPNren barruan diren hainbat udalen esperientzia.
Foru Aldundiaren hausnarketa.
Kontseiluak udaletarako egindako plan-estrategikoak
...

Azken zenbakia (53):

Informazio gehiago

ARGITALPENAK:

Hizkuntza eskubideak Euskal Herrian. Zer eskubidez ari garen eta zertan diren. Paula Kasares. 2004. Bilbo: Deustuko Unibertsitatea. Hizkuntza eskubideak, giza eskubideak, hizkuntza zuzenbidea, hizkuntza politika, hizkuntza gutxiengoak, soziolinguistika:

Hizkuntz eskubideen kontzeptua eta garapena.
Hizkuntz eskubideak nazioarteko zuzenbidean.
Hizkuntz eskubideak Euskal Herrian.
Hizkuntz eskubideen aldeko herri ekimena Euskal Herrian.
Azken gogoeta gisa.

paula.kasares@unavarra.es

Hezkuntza Gida etorkinentzat, Sakanako Mankomunitatean Sakanako Mankomunitateak bailarako Hezkuntza Gida argitaratu du etorkinentzat, eskualdean dituzten ikastetxeak ezagutzera emateko eta D ereduaren aldeko mezua zabaltzeko. Gida hau, etorkinentzat ez ezik, seme-alabak lehendabizikoz eskolatu behar dituztenentzat eta Sakanako hezkuntza-eskaintza ezagutu nahi dutenentzat ere bada. Informazio gehiago: http://www.erabili.com/zer_berri/berriak/1105961147

Kondia hiztegia: Makina Erreminta arloko lehen hiztegia. Makina Erreminta arloko lehen hiztegia erabilgarri dago amaraunean Elgoibarko KONDIA enpresaren eskutik. Bost hizkuntzatan jasotzen ditu hitzak hiztegiak: euskaraz, gaztelaniaz, frantsesez, ingelesez eta alemanez. Ikastetxeetatik datozen ikasleek dakarten euskarazko jakituriak enpresetan erabiltzeko mugak dituela ikusita, hutsune hori gainditzen lagundu ahal izateko sortua izan da hiztegia. Hiztegia amaraunean eskuragarri dago, eta baita paperezko euskarrian, eta CD-ROMean ere. Informazio gehiago: http://www.kondia.com/hiztegi/home.htm

BESTELAKOAK

Martxoaren 10ean abiatuko da Korrika 14. AEK-k antolatutako Korrika 14 lasterketa martxoaren 10ean abiatuko da Orreagatik. Euskal Herria euskalduntzen, ni ere bai! lelopean Euskal Herria zeharkatuko du hamar egunez. Bilbon amaituko da martxoaren 20an. Korrikaren 14. saio honetan Andolin Eguzkitza omenduko dute. Lasterketaren aurretik Korrika Kulturaleko ekitaldiak eskainiko dituzte urtarrilaren 22tik aurrera. Besteak beste, Korrika-AEK beka eskuratu zuen Euskararen 7 bekatu nagusiak antzezlanaren hamar emanaldi eta akzesita jaso zuen Mila urte igarota ikuskizunaren beste lau emanaldi eskainiko dituzte. Horretaz guztiaz gain, kontzertuak, hitzaldiak eta beste hainbat ekitaldi prestatu dituzte. Informazio gehiago: http://www.aeknet.net/

Hizkuntzarekin jolas egiteko SMS lehiaketa antolatu du UEMAk. Udalerri Euskaldunen Mankomunitateak (UEMA) I. Segapotoen Mezu Sekretuak lehiaketa antolatu du Zazpiak Batman kolektiboaren laguntzaz. "Idatz iezaiozu maite duzun horri" lehiaketaren helburua, euskararekin jolas eginez esamolde edota argot berriak sortzea izango da. Euskarri nagusia laster martxan izango den web gune dinamikoa izango da. Lehiaketa martxoan edo apirilean egingo da. Harremanetarako: gipuzkoa3@euskalnet.net

Itzulpen automatikorako sistema, euskaraz, 2006an. Eleka Ingeniaritza Linguistikoa testuak nahiz webguneak gaztelaniatik euskarara, eta alderantziz, itzultzeko proiektu bat garatzen ari da. Estatuko beste bi hizkuntzak ere hartzen ditu proiektu horrek: katalana eta galegoa. Kode irekiko (software librea) eta banaketa libreko sistema bat izango da. Proiektua garatzeko EHUko IXA taldearen eta Elhuyar Fundazioaren lankidetza izango du. Informazio gehiago: http://www.eleka.net/

Euskarazko hiztegiak PDA bidez kontsultatu daitezke. UEUren HIZTEK "Hizkuntza Teknologiak" graduondokoaren barruan, euskarazko hiztegiak PDA bidez kontsultatzeko sistema garatu dute. Hasierako prototipoan Euskal Hiztegia, Sinonimo Hiztegia, Hiztegi Batua, eta Hiztegi Modernoa sartu dituzte. Urtza Iturraspe Bartua Robotiker-eko kideak garatu du sistema, Ixa taldeko irakasleen zuzendaritzapean. Informazio gehiago: Uiturraspe@robotiker.es

Testu-liburuak euskaratzeko lehiaketa publikoa (EHU). Testu-liburuak euskaratzeko lehiaketa publiko honen bidez, testu-liburuak euskaratzeko kontratua adjudikatuko da EHUren eskutik. Honako helbideetan eskura daiteke informazio guztia: Informazio gehiago: http://www.euskadi.net//bopv2/datos/2004/12/0406287a.pdf http://www.ehu.es/contratacion_compras/2005_concursos/servicios/2/

MARTIN UGALDE KULTUR PARKEA :: 20140 Andoain :: Tel:943 592556 :: Fax:943 304151 :: kluster@sortu.org

Soziolinguistikaz berripaperaren 02. zenbakia

2. zenbakia / 2005eko apirila

Soziolinguistikaz word formatoan jaitsi nahi baduzu, sakatu hemen

AGENDA

2005eko uztailak 4-22 33. Udako Ikastaroak. UEU. Biarritz, Eibar, Iruñea 2005eko Udako Ikastaroei buruzko informazioa argitaratu du UEUk. Biarritzen, Eibarren, eta Iruñean izango diren ikastaroen artean soziolinguistikarekin zerikusia dutenak aukeratu ditugu hemen azaltzeko:

Giza hizkuntzaren natura. Uztailak 4-8, Biarritz (Hizlariak: Beatriz Fernandez, Pablo Albizu, Mikel Santesteban, Urtzi Etxeberria, Aritz Irurtzun, Ricardo Etxepare)
Zientzia eta teknikarako euskara. Uztailak 11-15, Eibar (Arduraduna: Jose Ramon Etxeberria)
Ahozkotasunaren bidean. Uztailak 18-22, Iruñea.
Globalizazioa, migrazioa, eta hizkuntzak. Uztailak 19-20, Iruñea (Hizlariak: A.Antero, Z.Martinez, X.Aierdi, J.Apalategi, N.Larrañaga, M.Sanchez de Miguel, C.Suarez, O.Irizar, M.Gereka, I.Herguedas, I.Aramaio).

Matrikula epea: apirilak 25 – ekainak 19

Argibideak: ikastaroak@ueu.org 943 82 14 26 Irati Iciar

2005eko ekainak 20 - irailak 1 XXIV. Uda Ikastaroak. EHU. Donostia. Euskal Herriko Unibertsitateak antolatzen dituen XXIV. Udako ikastaroen berri ere argitaratua da jada. Hauetan, ikastaro guztien % 8 besterik ez da euskaraz izango. Hizkuntzaren eta Soziolinguistikaren arloarekin zerikusia duten ikastaroak hauek izango dira:

Léxico y aprendizaje de lenguas: fundamentos y aplicaciones pedagógicas (Joanba Bergara - HABE): Ekainak 27-29.
Ordenagailuz lagundutako itzulpena (Josu Waliño – Elhuyar Fundazioa): ekainak 30–uztailak 2 /li>
Hizkera komunikatiboa eskolan... eta eskolaz kanpo (Kike Amonarriz): abuztuak 29-31.

www.sc.ehu.es/cursosverano

cursosverano@sc.ehu.es

2005, maiatzak 6-7 Mendebalde Kultura Alkartearen IX. Jardunaldiak. Bilbo. Mendebalde Kultura Alkarteak IX. Jardunaldiak antolatuko ditu aurten, Euskara: normalizazinotik homologazinora izenburupean, euskara zientifiko-teknikoaren inguruan. Hizlarien artean izango dira: Igone Zabala, Kepa Altonaga, Arturo Elosegi, Jesus Mari Txurruka, Jose Ramon Etxebarria, Iñaki Alegria, Antton Gurrutxaga, Iñaki Gaminde, Patxi Uribarren, Mertxe Olaizola, Jabi Agirre, Xabier Kintana eta Alfontso Mujika.

Lekua: Bizkaiko Batzar Nagusien aretoa (Hurtado Ametzaga kalea, 6).
Egunak eta ordua: 2005eko maiatzak 6, ostirala (16:00-20:00) eta 7, larunbata (9:30-13:30).
Matrikularen prezioa: Ikasleak: 10 € / Gainontzekoak: 30 €. Ordaintzeko modua: BBK 2095-0000-70-902270776-0 (maiatzaren 6ra arte)

http://www.mendebalde.com/antbuspre.asp?nombre=1731&cod=1731

mendebalde@mendebalde.com

2005, maiatzak 24-25 Hizkuntz aniztasunari begirunea Europar Batasunean: hobekuntza edo geldialdia Europar Konstituzioaren ostean? “Batasuna aniztasunean” idealaren eta hizkuntza aniztasuna babesteko Europar Batasunaren benetako konpromezuaren arteko harremana aztertzea da mintegiaren helburua. Azterketa horretan, orain indarrean dauden itunei eta, bereziki EBko Oinarrizko Eskubideen Gutunak ekarritako berrikuntzei so egingo zaie. Hiru bloke ditu mintegiak:

a) lehengo egunean aniztasunaren gaia jorratuko da ikuspegi ezberdinetatik (soziopolitikoa, ekonomikoa, identitateen araberakoa);
b) bigarren egunean, bi hizlarik Gutunaren aldez aurretiko zuzenbide-egoera aztertuko dute; eta.
c)gainontzeko bi hizlariek Gutunaren ondorengo zuzenbide-egoera jorratuko dute.

xabier.arzoz@sant.ox.ac.uk

EKIMENAK ETA KANPAINAK:

EMUN Justizia Saila euskalduntzen. EMUNeko lau teknikari Gipuzkoa eta Bizkaiko Justizia Administrazioan hasi dira lanean langileen euskararekiko motibazioa eta euskararen ahozko erabilera handitzeko. Oraingoz Justizia Sailak Tolosan eta Durangon dituen egoitzetan hasi da lanean EMUN. Baina aurrerago egoitza hauetara ere iritsiko da planaren eragina: Bergara, Eibar, Getxo, Gernika. Informazio gehiago: http://www.emun.com/news/1110305371

Hezkuntza Sailaren eta Kontseiluaren arteko lankidetza hitzarmena. Euskara ikasle etorkinei hurbiltzeko helburuarekin eta horretan lan egiteko asmoz, lankidetza hitzarmena sinatu dute Eusko Jaurlaritzaren Hezkuntza sailak eta Kontseiluak. Egitasmoaren helburua da ikasle etorkinak, horien familiak, eta gainerako eragileak prestatzea Euskal Herriko hizkuntz eta kultur ezaugarriak lehenengo unetik ezagutu ditzaten. Horretarako helduen hezkuntzako irakasleak prestatu egingo dira eta ikasle etorkinek euskara ikasteko dituzten materialak aztertu eta berriak abian jarriko dira. Informazio gehiago: http://www.kontseilua.org/zerberri.cfm?hizkuntza=0&atala=berria_erakutsi&id=239

Topagunearen eta Euskaltzaindiaren arteko lankidetza hitzarmena. Hitzarmen horrek, bi erakundeen arteko loturak sendotzea du helburu, elkarren aitorpenetik abiatuz. Bi erakundeok elkarlanean arituko dira, euskararen normalizaziorako proposatzen diren egitasmoen inguruan, baita Euskaltzaindiak euskararen arloan ezarritako arauak eta egindako gomendioak zabaltzeko ere. 2005eko apirilean sinaturiko hitzarmen honek bost urteko iraupena izango du. Informazio gehiago: http://www.erabili.com/zer_berri/berriak/1113321713

Nafarroako Gobernuak eta Euskaltzaindiak aurtengo protokoloa sinatu dute. Bi erakundeok adostu duten akordio horren arabera, hauek dira 2005. urtean egin behar diren eginkizun batzuk:

Euskararen Herri Hizkeren Atlasa (EHHA) egiteko bildu ziren Nafarroako 3 herritako (Aniz, Dorrao eta Etxaleku) grabazioak euskarritan paratu eta ematea.
Jose Mari Satrustegiren artxibategietako katalogazio eta digitalizazio lanak: 2004an hasitako lanekin jarraitu eta amaitu.
Zenbait argitalpen.
Ahozkotasuna gaiaren inguruko jardunaldiak prestatzea.
Euskal Corpus Onomastikoa: Nafarroari dagozkion lanei hasiera ematea.

http://www.euskaltzaindia.net/zerberri/berria.asp?hizkuntza=eu&id=72

Gobernua zeu izan kanpaina jarri du abian IKAk Nafarroako Gobernuak 2005. urteko euskaltegientzako aurrekontuak 528.000 eurotik 180.000 eurora murriztu dituela-eta, IKAk diru iturri berriak lortzea helburu duen 'Gobernua zeu izan' kanpaina jarri du abian. Euskaltegiei laguntza eman nahi dien herritarrak hiru modu izango ditu horretarako: banaka zein taldeka 250 euroko 'babesle txartelak' erosiz, norberak nahi duen diru kopurua emanez, eta ekimena ezagutaraziz. Informazio gehiago: http://www.ikastari.com

Eurohirian euskara sustatzeko kanpaina Euskara zure esku lelopeko kanpaina aurkeztu dute Gipuzkoako Foru Aldundian. Kanpaina horren baitan, Euskal Eurohiriko merkataritza gune eta saltokietan 20.000 liburuxka banatuko dituzte, langileek elkarrekin hitz egiteko oinarrizko hitzak euskaraz, frantsesez, eta gaztelaniaz ezagutzeko helburuarekin. Harremanetarako: agency@gipuzkoa.net

IKERKETAK ETA AZTERKETA LANAK:

Komunitate elebidunetan kulturarteko curriculum eraginkorra sustatzeko eskola-politika. Mondragon Unibertsitateko Humanitate eta Hezkuntza Zientzien Fakultatea eta beste lau partaide Europako Comenius 2.1 motako proiektu bat garatzen ari dira. Partaideak dira: Powys Local Education Authority (Gales); HUHEZI - MU (Euskal Herria); Gaelscoileanna - Irish Mediun Schools Organization (Irlanda); Karmoy Local Education Authority (Norvegia); Vilnius Pedagogical University (Lituania). Proiektua Europako agentziako Sokrates programa barruan kokatzen da. Proiektuaren izena Terra: Inter-cultural curriculum da eta zera landuko du: nola egin eskola kudeatzeko politikak susper dezan kulturarteko curriculum eraginkorra komunitate elebidunetan. Proiektuak 3 urte iraungo du (2004-2007). Proiektuak Europako Erkidegoaren hedapenari begira erronka inportanteenetariko bat jorratzen du: hizkuntzen arteko harremanak, hizkuntza minorizatuen testu ingurunetan, pertsonen mugikortasunaren eta integrazioaren aurrean. Harremanetarako: arantza_mongelos@huhezi.edu (HUHEZIko koordinatzailea proiektuan)

Eusko Ikaskuntza - Institut d’Estudis Catalans Beka. Eusko Ikaskuntzak eta Institut d’Estudis Catalans erakundeak ikerketarako beka bana ematen dute urtero, katalan zein euskal kulturaren alderdi jakin batean interesaturiko ikertzaile gazteentzat. Gaia: katalan eta euskal kulturen edozein alderdi Diru-laguntza: 3.600 € gordin (Katalunian hiru hilabeteko egonaldiaren gastuei dagokiena) Iraupena: 3 hilabete Eskaerak aurkezteko epea: apirilaren 30a Hautagaiak: 1991-2000 urte bitarteko lizentziadunak edo unibertsitateko graduatuak. Informazio gehiago: http://www.eusko-ikaskuntza.org/eu/becas/object.php?o=208

Ikerlanetarako laguntzak Eusko Ikaskuntzak. Eusko Ikaskuntzako Sail Zientifikoek beren kideak ikerlanak egitera bultzatu nahi dituzte, eta horiek Sailen interesekoak izatera, Elkartearen diru-laguntza jasoko dute. Gaia: Euskal kulturarekin zerikusia duen edozein. Diru-laguntza: 2.700 € gordin, gehienez. Iraupena: Urtebeteko proiektua edo urte anitzekoa. Eskaerak aurkezteko epea: azaroaren 30a Hautagaiak: Eusko Ikaskuntzako kideak Informazio gehiago: http://www.eusko-ikaskuntza.org/eu/becas/object.php?o=650

Euskal Herriko hizkuntza-adierazleen Sistema (EAS). Euskararen egoeraren eta bilakaeraren inguruko datuak eta azterketak biltzeko proiektuaren lehen fasea aurkeztu zuten otsailaren amaieran Eusko Jaurlaritzako kideek. Euskal Herriko Hizkuntza-adierazleen Sistemak euskararen egoeraren inguruko informazioa eskuratzeko eta euskararen egoerak izan duen bilakaera jakiteko balio du. Aurrera begira, EASek Euskal Herri osoko datuak bilduko ditu, oraingoz EAEkoak soilik badaude ere. Informazio gehiago: www.euskadi.net/euskara_adierazleak

Kataluniako kirol-arloko hizkuntza erabileraz ikerketa. Hizkuntza Politikako Idazkaritzak bultzatu duen ikerketa honetan kirol klubetako, federazioetako, eta beste elkarte batzuetako hizkuntza erabilera aztertu nahi da. Horrekin batera, Hizkuntza Politikako Legearen betetze-maila neurtu nahi da, eta testuinguru soziolinguistikoa ere aztertu nahi da. Proiektuak Kiroletako Idazkaritza Nagusiaren laguntza instituzionala eta teknikoa izango du. Harremanetarako: igenoves@gencat.net Informazio gehiago: http://www6.gencat.net/llengcat/noves/recerques/esports.htm

Eurekalert! Elhuyar Fundazioaren Basque Research atariaren nazioarteko sarean sartu da. Basque Research 2002an plazaratu zen Euskal Herriko ikerketa, garapena, eta berrikuntza zabaldu eta bultzatzeko asmoz. Helburu hori izanda, beste hainbat web gunerekin akordioak sinatu ditu euskal ikerketa nazioartean zabaltzeko. Elhuyar Fundazioaren Basque Research atariak (www.basqueresearch.com) Eurekalert! berri-agentziarekin hitzarmena sinatu berri du. Eurekalert! American Association for the Advancement of Science (AAAS) erakundearen web gunea da, eta erakunde horrek berak Science aldizkari ospetsua argitaratzen du. Hitzarmenaren bidez, Basque Research-en argitaratutako berriak Eurekalert!-en ere argitaratuko dira. Izan ere, Basque Research atarian euskal ikerketaren albiste eta ekitaldiak idatzi, itzuli, eta hiru hizkuntzatan argitaratzen dira: euskaraz, gaztelaniaz, eta ingelesez. Informazio gehiago:garazi@elhuyar.com edo rakel@elhuyar.com

SOZIOLINGUISTIKA KLUSTERRA

Ikerketa

Soziolinguistika Klusterra ikerketa bat garatzen ari da Hezkuntza Sailarekin, haur eta gazteen erabileran eragiten duten faktoreen inguruan. Ikastetxeei zuzendutako Ulibarri programaren testuinguruan sortutako ikerketa da, 03-04 ikasturtean abiatutakoa. Ikerketa honetan hainbat lantalde eratu ditu Klusterrak eta bertan unibertsitate ezberdinetako irakasleak (EHU, HUHEZI, Deustu) eta bestelako adituak ari dira beren ekarpenak egiten eta esperientziak trukatzen. Proiektu zuzendaria: Iñaki Martinez de Luna. Koordinatzaileak: Olatz Altuna eta Pablo Suberbiola.

Soziolinguistika Klusterra Kalitatea eta Ulibarri programa aztergai dituen proiektu bat gauzatzen ari da Hezkuntza Sailarekin. Ulibarri egitasmoaren ebaluaketarako lehen eredu bat zehaztu eta ebaluaketa egitea, kalitatea eta normalkuntza programen arteko loturak aztertzea, eta honen guztiaren inguruan, teknikarientzako oinarrizko lehen materiala edo orientabideak prestatzea dira, besteak beste, lortu nahi diren helburuak. Proiektuaren zuzendaria J. Inazio Marko Juanikorena da, eta koordinatzailea Iker Salaberria. Bi hauekin batera, Klusterreko bazkide den Emun Koop. Elkarteak osatzen du proiektuaren lan taldea.

BAT soziolinguistika aldizkaria

Hurrengo zenbakia (54): Dosierra: Euskararen erabileraren eta normalizazioaren azterketa administrazioan:

Eusko Jaurlaritza. Hizkuntza Politikarako Sailburuordetza.
Herri Arduralaritzaren Euskal Erakundea (IVAP).
Justizia arloa.
Osasun arloa.
...

Azken zenbakia (53):

Bazkide berriak

Soziolinguistika Klusterra zortzi bazkidek eratuta abiatu zen 2004ko udaberrian. Geroztik, ordea, bazkide kopurua hazten joan da. Gaur egun, hasierako zortzi bazkideez gain, beste zazpi bazkide berri ditugu; ondorengo hauek: Aztiker Soziologia Ikergunea, Artez Euskara Zerbitzua, Tolosako Udala, Topagunea, Urtxintxa Eskola, Hernaniko Udala, eta Euskal Kultur Elkargoa.

Informazio gehiago

ARGITALPENAK:

Bidegorriak hizkuntzentzat (Euskarazko komunikazio-esparrua trinkotzeari buruzko burutazioak.) Egilea: Aitor Zuberogoitia. Argitaratzailea: Elkar, 2005eko martxoa. Badira bi urte Aitor Zuberogoitiak liburu honen oinarrian dagoen doktorego-tesia EHUn irakurri zuela. Ikerketari, ordea, askoz lehenago ekin zion: 1997an amaitu zituen doktorego ikastaroak eta orduan ekin zion euskarak prentsa abertzale elebidunean zeukan presentzia aztertzeari. Ikerketa lan-mardul horren emaitza da argitaratu berri den liburua. Informazio gehiago: http://www.erabili.com/zer_berri/galdezka/1111052288

AEK-k eta Ikastolen Elkarteak material didaktikoa kaleratu dute AEK-k eta Ikastolen Elkarteak hirugarren Unitate didaktikoa kaleratu dute euskararen erabilera errazteko eta areagotzeko asmoz. 3 eta 18 urte bitarteko ikasleei zuzendutako bost unitate didaktiko egin dituzte, eta material didaktiko hau Euskal Herri osoko ikastetxeetara eta 200 euskal etxeetara bidaliko dute. Horrez gain, Korrikaren webgunean eta Ulibarri programako webgunean ere eskuratu daiteke.Informazio gehiago: http://www.korrika.org/k14_unitatedidaktikoak.php

Hizkuntza politika: euskara, Biarno eta Gaskoiniako okzitaniera. Egilea: Jean-Baptitste Coyos Argitaratzailea: Elkar, Baiona. 2004. 260 or. Izenburuak dion moduan, hizkuntza politikaren ingurukoa da liburuaren edukia. Frantziako eskualdeko hizkuntzak aztertzen dira bertan, eta atalen artean nabarmentzekoak izan daitezke:

Bi hizkuntzan egoera: inkesta soziolinguistikoak eta estatutua.
Estatuaren eta lurralde kolektibitateen jarrera.
Hizkuntza politika publiko baten lehen urratsak.
Zein ikuspegi? Erranak eta errealitatea .

http://www.habe.org

BESTELAKOAK

Informatikari Euskaldunen V. Bilkura. 2005eko Apirilaren 22a. Miramón Digitalek eta UEUko Informatika Sailak antolatuta Informatikari Euskaldunen V. Bilkura izango da Donostiako Miramon Teknologia Parkean, apirilaren 22an. Informatikari, softwaregile, erabiltzaile, ikasle, irakasle, teknikari, eta softwaregintzan, oro har, interesatuta legokeen edonori zuzendua dago bilkura hau. Gai nagusia, oraingoan, Softwaregintzaren erronka berriak izango da. Web zerbitzuak, segurtasuna aplikazio informatikoetan, osagaien bidezko programazioa, eta abarri buruz hitz egiteko, hizlari aditu eta arituak izango dira bertan, bosgarren bilkura honen egitaraua osatzeko. Informazioa eta egitaraua: http://www.ueu.org/groups/informatika/courses/one?id=126&scope=group&group_id=26

Eusbit-APM ERP: enpresen eta erakundeen kudeaketarako programa euskaraz Plazagunea eta APM enpresa kataluniarrak sortutako Eusbit-APM ERP programak enpresa eta erakundeei jarduera-atal guztiak euskaraz kudeatzeko aukera ematen die: edozein enpresak programa hau instalatu eta euskaraz funtzionatu ahal izango du. Eusbit-APM ERP programa hiru ataletan dago banatuta: fabrikazioa, administrazioa eta mundu komertziala. Eta programako arlo bakoitza modularra da. Programaren ezaugarri nagusiak hauek dira:

Enpresa txiki eta ertainentzako ERP bat da.
Salmenta-gune bat baino gehiago dituzten saltoki, taberna eta antzeko guneetara ere egokitzen da, sarean erabil baitaiteke.
Euskaraz dago, baina aldi berean beste 6 hizkuntza ere erabil daitezke.
Lantegiko edo produkzio kudeaketarako atala da bere alde indartsuena.
Antolaketa eskaintzen du, ez bakarrik softwarea.

komertziala@plazagunea.com

Euskarazko agiri eta inprimaki estandarren fondoa. Agiriak.net fondoak eguneroko harreman sozio-ekonomikoetan eta eguneroko bizitzan baliagarri diren dokumentu eta inprimaki estandarrak biltzen ditu. Euskaraz bizi eta lan egiten dugunoi gaur egun eskura ez ditugun idazki estandarrak eskaintzea da fondoaren helburua, eta azken urteetako lanari esker 100 idazki ditu gaur egun fondoak. Artez Euskara Zerbitzuak edonoren eskura jarri ditu dokumentu hauek guztiak. Argibide gehiago: http://www.agiriak.net/

Arrandegietan euskararen erabilera sustatzeko egitasmoa. Buruntzaldeko Udalek jarri dute egitasmo hau martxan, eta merkataritza arloan azken bi urteotan izandako zenbait egitasmorekin lotuta dago. Lehenik jatetxeetan eragin zuten: karta gutxienez euskaraz idatzita zuten jatetxeen gida argitaratu zuten eta eskualdeko buzoi guztietan banatu. Bigarren egitasmoa arrandegietakoa izan da, eta orain harategietan eragiteko beste egitasmo bat dute eskuartean. Bezeroengan eragitea dute helburu nagusia, eta urtean bi sektoretan eragiteko asmoa dute. Arrandegietan eragiteko egin dutena ezagutzeko: http://www.erabili.com/zer_berri/berriak/1109262493

Merkataritza arlorako programa informatikoak, euskaraz Ibernyx S.L. Kataluniako enpresak merkataritza arloan erabiltzeko programa informatikoak egiten ditu eta orain, Eusko Jaurlaritzaren laguntzarekin, euskaraz ere baditugu programa hauek. Euskaratze-lana Elhuyarrek eta UZEIk egin dute. Merkataritza jarduera bakoitza kudeatzeko behar izaten den guztia (fakturak alde batetik, albaranak bestetik, txartelak, kutxa erregistratzailea, asteko planning-a, biltegiaren kontrola... ) tresna bakarrean eskaintzen digute, eta gainera, euskaraz. Informazio gehiago: http://www.erabili.com/zer_berri/berriak/1110826128

EGA azterketak on-line jarri ditu Internet&Euskadi elkarteak. Internet&Euskadi elkarteak EGA lortzeko gainditu beharreko atariko frogak on-line jarri ditu www.interneteuskadi.org/euskara/ega helbidean. Internet&Euskadi elkarteak garatu duen aplikazioari esker erantzun zuzenak ezagutu daitezke eta azterketetan jarri ohi dituzten hainbat audio zati ere entzun daiteke doan. Proiektu horrek Bizkaiko Foru Aldundiaren eta Fidenet enpresaren laguntza jaso du. Informazio gehiago: http://www.interneteuskadi.org/euskara/ega

MARTIN UGALDE KULTUR PARKEA :: 20140 Andoain :: Tel:943 592556 :: Fax:943 304151 :: kluster@soziolinguistika.org

Soziolinguistikaz berripaperaren 03. zenbakia

3. zenbakia / 2005eko ekaina

Soziolinguistikaz word formatoan jaitsi nahi baduzu, sakatu hemen

AGENDA

2005eko uztailak 4-6 Euskararen erabilera ikastetxean nola sustatu. Hikhasi udako topaketak, Donostia. Hik hasik antolaturiko udako ikastaroen artean, “ikastetxean euskararen erabileran aurrera egiteko nola eragin” gaiaren ingurukoa da bat: Uztailak 4-5: 9:00-14:00

Euskararen erabileraren edo erabilera ezaren arrazoiak aztertu
Diagnosia egin
Esku-hartze lan esparruak definitu
Plangintza diseinatu
Plangintza eragingarria izan dadin egitura egokia bideratu
Plangintza sistematizatu

Saio praktikoa: balizko diagnosia eskura jarriz urteko plangintza diseinatu

Koordinatzaileak: Kristina Boan eta Helena Baraibar

Argibide gehiago: 943 371408 edo hikhasi@hikhasi.com

2005eko uztailak 11-14. Euskal Herriko estatistikak. Eibar. Gaindegiak (Euskal Herriko ekonomia eta gizarte garapenerako behategiak) antolatu duen ikastaro honen helburuak, besteak beste, hauek dira:

Gaur egun herri batentzat estatistikek duten garrantziaz ohartzea.
Euskal Herrian diharduten estatistika erakunde publikoen jarduna ezagutzea, eta Euskal Herriari buruzko datuak lortzeko horiek dituzten mugak erakustea.
Azken urteetan Euskal Herriko estatistikak sortzeko bidean emandako urratsak ezagutzea. Bereziki, Gaindegiak abian jarri duen ‘Euskal Herriko datuen talaia’ estatistika zerbitzuaren berri ematea, eta www.datutalaia.net web orriaren erabileran trebatzea.

Amaia Elizagarate, Gaindegiako Estatistika Batzordearen arduraduna.
Iñaki Iurrebaso, Aztiker Ikerguneko teknikaria.
Xabier Isasi,EHU-UPVko irakaslea eta Gaindegiako Lehendakaria.
EUSTATeko teknikari bat.

Argibide gehiago: www.gaindegia.org/?q=eu/node/75

2005 urria-2006 ekaina. Hizkuntzen Kudeaketa titulua. HUHEZI. Hizkuntzen kudeaketan lanean ari diren profesionalak prestatzea du helburu HUHEZIk eskaintzen duen 33 kreditutako titulazio honek (Guztira 330 ordu): 1. Derrigorrezko moduluak:

Epistemologiaren inguruko ikasgai bat.
Eleaniztasunaren inguruko ikasgai bat.

Hizkuntzen didaktikarako marko epistemologiko eta didaktikoa.
Eleaniztasunaren kontzeptualizazioa.
Irakaskuntza eleanizduna.
Hizkuntzen curriculum bateratua.
Gizarte Psikologia.
Soziolinguistikaren hastapenak.
Ahozko hizkuntza formalaren ikaskuntza-irakaskuntza.
Ahozko azalpena.
Kulturarteko hezkuntza.
Edukien bitartezko hizkuntzaren metodologia.

Zuzendaria: Matilde Sainz (Hezkuntzako zuzendaria eta HUHEZIko irakaslea). Koordinatzailea: Nekane Arratibel (Hizkuntza saileko burua eta HUHEZIko irakaslea).

Informazio gehiago: http://www.huhezi.edu/descargas/dokumentuak/Hizkuntzen%20Kudeaketa_eusk.pdf

2005 urria-2006 uztaila.HEREKU graduondokoa. EHU/UPV, Donostia. Herri Erakundeen Kudeaketarako beharrezkoak diren tresnen analisia ez dago behar bezala jasoa unibertsitateetako ikasketa-planetan; hutsune hori betetzera dator Hereku graduondokoa. Herri eta Toki Erakundeetan lanean ari diren profesionalei edota arlo honetan jakintza maila hobetu nahi duten lizentziatu edo diplomatu berriei zuzendua dago. Lekua: Donostiako Enpresa Ikasketen Unibertsitate Eskola (EHU/UPV) Iraupena: 310 ordu. Izen-ematea: ekainak 15-irailak 15. Argibideak: hereku@se.ehu.es edo http://www.sc.ehu.es/seweb/webcentro/euskara

2005 urria-2006 maiatzaMarketing linguistikoan graduondokoa. Bartzelona. Bartzelonako Komunikazio Zientzien Fakultateak, administrazio publikoko kideei eta hizkuntza zerbitzuak eskaintzen dituzten enpresei zuzenduriko graduondokoa antolatu du datorren ikasturterako. Egitaraua modulu hauetan banatzen da:

A modulua: Marketing linguistikoa, izaera propioa duen kontzeptua.
B modulua: Aldaketa soziala, hizkuntza plangintza eta hizkuntza politika.
C modulua: Produktuak eta hizkuntza zerbitzuak.
D modulua: hizkuntza erabiltzaileak, kontsumitzaile modura.
E modulua: marketing plana hizkuntza izaeradun produktuentzako eta zerbitzuentzako.

http://www.3fcc.com/

Ekainak 27-uztailak 1. Merkatu bat, hizkuntza bat? Enpresak, batasun ekonomikoa, eta hizkuntz aniztasuna. Udako ikastaroa. Reus, Tarragona. Ikastaroaren helburuak dira:

1) Eremu murriztuko hizkuntzengan Europar Batasunak eta bereziki bere dimentsio ekonomikoak duen eragina ezagutzea.
2) Merkatuaren antolaketa berriaren eragin kulturala eta linguistikoa ezagutzea.
3) Hizkuntza gutxituen hedapen soziala aztertzea.
4) Administrazioaren, bereziki hizkuntza zerbitzuen, funtzioaren inguruko eztabaida.

http://www.urv.net/vida_a_la_urv/6_universitat_estiu/UE2005/un_mercat_una_llengua.htm

EKIMENAK ETA KANPAINAK:

Sustraituz. Eusko Jaurlaritzako Hizkuntza Politika Sailburuordetzaren barruan Euskara Planen Zuzendaritzakoek Sustraituz izeneko zerbitzua jarri dute martxan. Zerbitzu berri honen helburua euskarak lan-munduan duen kokaguneaz sortzen den informazioa, bai Kultura Sailak bai bestek sortutakoa, interesa izan dezaketenei iritsaraztea da.

Atal nagusia: Lan-mundua.
Lau azpiatalak: Sarrera (gaiaren ikuspegi historikoa, besteak beste), Idatzizko baliabideak (INEMen lan-kontratuak eta beste), Software baliabideak (Web gune eleaniztunak eta beste), Euskara-planak (zer diren, nola garatu, diru-laguntza publikoak eta beste).

http://www.erabili.com/zer_berri/berriak/1113987578

sustraituz@ej-gv.es

Euskal Tonbola. Kontseiluak Euskal Tonbola antolatu du, euskara bultzatzeko proiektu berriak abian jartzeko baliabideak lortzeko helburuarekin. Euskal Tonbola herriz herri joango da euskararen konpromisoa zabaltzen. Txartel bakoitzean sariaren izenarekin batera, norbanakoen euskara sustatzeko konpromiso bana azalduko da. Informazio gehiago: http://www.erabili.com/zer_berri/berriak/1114774742

Ikasketak euskaraz jarraitzeko kanpaina "Zeurea da aukera, jarraitu euskaraz" kanpaina abian jarri dute Bizkaiko 38 udalerrik Batxilergo eta Lanbide Heziketa ikasketak egin behar dituzten gazte euskaldunek D eredua aukera dezaten eta euskaraz ikasten jarrai dezaten. Informazio gehiago: http://www.getxo.net/eus/zerbitzua/pags/aukera01.htm

Hedabideak euskalduntzeko ekimena abiatu du EHEk. Euskal Herrian Euskaraz taldeak Hedabideetan euskaldunok itsu, mutu, gor ekimena jarri du abian. Horrela, hedabideen euskalduntzea eskatzeko sinadurak biltzen hasi dira. Bestalde, hainbat hedabidetara postalak bidaltzeko eskatu die EHEk herritarrei, hedabide horiek euskararen kontrako jarrera dutela uste baitu. Besteak beste, El Diario Vasco, El Correo, Diario de Navarra eta Sud Ouest aipatu dituzte.

IKERKETAK ETA AZTERKETA LANAK:

55.000 dolarreko beka euskarari buruzko ikerketa egiteko. Begoña Etxeberriak, Kaliforniako Unibertsitateko soziologiako doktore eta irakasle euskaldun kaliforniarrak, National Academy of Education-eko (NAE) Spencer Postdoctoral Fellowship beka eskuratu du. Begoña Etxeberriak 55.000 dolarreko beka izango du euskarari eta hezkuntzak hizkuntza gutxituen pertzepzioan duen eraginari buruzko ikerketa burutzeko. Informazio gehiago: http://www.nae.nyu.edu/spencer/

III. mapa soziolinguistikoa. Hizkuntza Politikarako Sailburuordetzak maiatzean aurkeztu du lau urtez behin gizarteratzen den lana: EAEko mapa soziolinguistikoa. III. Mapa Soziolinguistiko honek euskararen egoera nolakoa den azaltzen du eta azken hogei urteotan izan duen ibilbidea ere deskribatzen du. Izan ere, 1981etik 2001era bitartean, EAEn egin diren zentsuetako eta erroldetako emaitzetan oinarrituz, Hizkuntza Politikarako Sailburuordetzak, EUSTATen laguntzarekin, hiru mapa soziolinguistiko kaleratu ditu. Hirugarrena duzu hau. Informazio gehiago: http://www.erabili.com/zer_berri/muinetik/1115732908

Arlo pribatuko entitateetarako euskara-planen deialdia Entitate pribatuetan eta zuzenbide publikoko korporazioetan euskara-planak garatzeko edota koordinazio-jarduerak aurrera eramateko diru-laguntzak emateko modua arautzen duen 2005eko maiatzaren 25eko Agindua ekainaren 3an argitaratu da Euskal Herriko Agintaritzaren Aldizkarian. Aurtengo deialdiak baditu zenbait berrikuntza. Agindua, 2005eko maiatzaren 25ekoa. Eskabideak aurkezteko epea: ekainaren 4tik uztailaren 7ra. Euskal Herriko Agintaritzaren Aldizkarian argitaratua: ekainaren 3an.

1,1 milioi € enpresa pribatuetan euskara planak garatzeko Eusko Jaurlaritzako Gobernu Batzordeak enpresa pribatuetan euskara planak garatzeko urteko egitasmoa onartua du. Jaurlaritzak 1.118.522 euro erabiliko ditu euskara planak martxan jarri edo garatu nahi dituzten enpresei laguntzeko. Informazio gehiago: http://www.euskadi.net/r33-2316/eu/contenidos/informacion/euskara_plana_diru_laguntzak/eu_8385/euskara_planak_diru_laguntzak.html

SOZIOLINGUISTIKA KLUSTERRA

Jardunaldiak

Euskararen transmisioa eta erabilera JARDUNALDIA gauzatu zen maiatzaren 26an Kultura Saileko Hizkuntza Politikarako Sailburuordetzak eta Soziolinguistikako Klusterrak antolatuta. Euskararen geroratzeaz, eta bereziki familia-bidezkoa nola ari den gauzatzen zehatz-mehatz ezagutzeko beharraz eta, aldi berean, prozesu horretan eragile diren gizarte-esparruen zeregina finkatzeko premiaz jabetuta, urrats bat izateko asmoarekin antolatu ziren, hain zuzen, jardunaldiok. Informazio gehiago: http://www.kultura.ejgv.euskadi.net/r46-738/eu/contenidos/noticia/euskara_transmisioa/eu_8182/euskara_transmisioa.html

BAT soziolinguistika aldizkaria

Hurrengo zenbakia (56): Dosierra: EUROSLA kongresua: The acquisition of basque as a second language:

Lehen eta bigarren hizkuntzen ulermenean eragiten duten faktoreak.
Nafarroako irakaskuntza elebiduna: irakasleen jarrerak eta sinesmenak
Elebitasunarekiko eta euskararekiko: Arabar Errioxako zenbait datu.
...

Azken zenbakia (55):

Soziolinguistika Klusterraren Batzar Orokorra: ekainak 16, 18:30ean

Martin Ugalde Kultur Parkean egingo da Soziolinguistika Klusterraren Batzar Orokorra, ekainaren 16an, 18:30ean. Batzar honetan, Soziolinguistika Klusterreko bazkideen aurkezpena egiteaz gain, 2004an egindakoaren azalpena eta 2005erako egitasmoaren berri emango da

Informazio gehiago

kluster@soziolinguistika.org

ARGITALPENAK:

Euskara enpresaren kudeaketan: gakoak eta esperientziak Euskara eta Kudeaketa foroaren fruitua izan da Ezagutzaren Clusterrak kaleratu duen txostena. Gaur egungo egoeraren azterketa egiteaz gain, euskararen balio erantsia eta erakundeen kudeaketan euskara nola sartu aztertu dituzte foro horretan (bertan parte hartu dute, besteak beste, Elhuyar, Emun, Gaiker, Ikerlan, MCC, EHU, eta UZEI erakundeek). Argitalpen honetan zortzi esperientzia praktikoren berri ematen digute; hain zuzen ere: Batz s.coop, EiTB, Este/Eugt, IMH, Labein Fundazioa, Mondragon Goi-Eskola Politeknikoa, Tekniker, eta EHU/UPV. Informazio gehiago: http://www.clusterconocimiento.com/

HIZKUNEA: soziolinguistikako aldizkari berria Eusko Jaurlaritzako Hizkuntza Politikarako Sailburuordetzak aldizkari elektroniko berria sortu du, soziolinguistikaren inguruko gaiak zabaltzeko helburuarekin. Aldizkaria lau ataletan egituratuko da: 1) egile ospetsu batek idatzitako artikulu nagusi bat; 2) argitalpenak; 3) ikerlanak; 4) gertakizunen agenda. Euskaraz eta ingelesez argitaratuko da; orrialde nagusia eta artikuluen laburpenak frantsesez eta gaztelaniaz ere izango dira Ikusgai izango da: http://www.euskara.euskadi.net

Hitzarmengintza: entitateak euskalduntzeko metodologia Argitaratzailea: Topagunea Euskara Elkarteen Federazioa, 2003ko azaroa. Eskuliburu honetan, zenbait udaletako teknikarik beren lanaren inguruko esperientziak biltzen dituzte. Hitzarmengintza proiektuak hainbat sektoretan (eta horien artean enpresetan, bereziki txikizkako merkataritzan) euskararen erabilera normalizatzeko gauzatzen diren egitasmoak dira, gutxienez bi erakunderen artean akordatutakoak: erakundeetako batek euskararekiko konpromiso zehatzak hartzen ditu eta besteak konpromiso horiek aurrera eraman ahal izateko laguntza eskaintzen dio teknikarien bitartez. Proiektu hauen azken helburua hizkuntza normalizazioa da eta hitzarmenak helburu hori lortzeko tresnak besterik ez dira. Harremanetarako: zuzendaritza@topagunea.com

Gazteak eta Administrazioa unitate didaktikoa Administrazioan euskararen erabilera sustatzeko argitalpen berri bat prestatu dute Debagoienan. Bertako mankomunitateak eta euskara zerbitzuek, gazteak administraziora euskaraz hurbilarazteko asmoz, gai hauek landu dituzte lan honetan: gazteak eta administrazioa; gaztelekuak eta gaztetxeak; parrandara autobusean; isunak; herriko festak; kirolak. AEAko ikastetxe guztietan banatu dute unitate didaktiko hau, eta Nafarroara eta Iparraldera ere bideratuko da material hau. Osorik ikusteko: http://www.debagoiena.com/Idatziak/irakasleak

Ostalaritzaz Ostalaritza izeneko ikasmaterialak euskaraz ezer ez dakiten ostalariei begira egin dira, gutxieneko trebakuntza lor dezaten bezeroekin euskaraz komunikatzeko. HABE erakundeak Ostalaritza ikasmaterialen bilduma argitaratu du ostalaritzaren sektorean euskararen erabilera sustatzeko asmoz. Elhuyar Aholkularitzak eta HABE erakundeak lankidetzan burutu dute Ostalaritza Tabernan eta Ostalaritza Jatetxean liburukiak dituen bilduma. Gazteleraz eta euskaraz idatzita dagoen bildumak nork bere aldetik eta bakarrik ikasteko diseinatu da, ostalaritzan aritzen diren langileek euskaltegira joateko ordutegiengatik izaten dituzten arazoak kontuan hartuz. Osorik ikusteko: http://www.erabili.com/zer_berri/berriak/dokumentuak/2005/ostalaritza017.pdf

BESTELAKOAK

Itzultzaile automatikoa software librean, IXA taldearen eskutik Dagoeneko abiatu da Espainiako estatuko lau hizkuntza nagusiak kontuan hartzen dituen proiektua, espainiera (es), euskara (eu), galegoa (gl) eta katalana (ca), hain zuzen. Itzulpenak egiteko transferentzia bidezko teknologia klasikoa erabiltzen du. Hau da, bi hizkuntza zehatzen arteko baliokidetzak bilatzen dira, eta horregatik, hizkuntza bikote bakoitzeko sistema bat egongo da. Beraz, es-eu, eu-es, es-ca, ca-es, es-gl eta gl-es bikoteetarako sistemak sortuko dira. Proiektuaren emaitza 2006ko lehen hiruhilekoan agertuko da: alde batetik, itzulpenak egingo dituen webgune bat zabalduko da, eta bestetik, erabilitako kodea eskuratzeko eta egokitzeko aukera izango da. Osorik irakurtzeko: http://www.erabili.com/zer_berri/berriak/1111148758

Euskal Komunitate Zientifikoaren datu-basea, Inguma, eguneratuta Unibertsitate mailako zientzia eta jakintza-alor bakoitzean euskaraz ekoitzi denari buruzko oinarrizko informazioa eskaintzen da bertan. Dokumentu hauen guztien gaineko erreferentziak aurkituko dituzu Inguman baita Internet-en dauden 1.706 artikuluren esteka ere. Datuen eguneraketarekin batera web gunean hainbat berrikuntza aurki ditzakezu:

Dokumentuen loturez gain, egileak ezagutzeko aukera.
Tesien digitalizazioa
Ziurtagiria eskatzeko aukera. Edozein egilek Inguma datu-basean katalogatutako bere euskarazko produkzio zientifiko-kultural osoaren ziurtagiria eskuratu ahal du. Horretarako, www.inguma.org helbidean adierazitako pausuei jarraitu eta ziurtagiria PDF formatuan igortzen zaio bere postontzi elektronikora.

inguma@ueu.org

http://www.inguma.org

Aurki.com amarauneko euskarazko informazioaren topaleku Amarauneko 200 informazio iturrietako informazioa topa daiteke Aurki.com-en. Informazio guztia behar bezala sailkatuta eta euskaraz. Zerbitzu hauek berrikuntza dira euskaraz. Baina ez bakarrik euskaraz. Nobedadea dira Euskal Herriko Interneteko garapenean. Aurki.com da euskal sarearen esparruan sortutako lehen albistegi automatikoa. Herri honetan sortutako lehen feed irakurgailua. Bertako blogosferaren ikusmira bateratu bat ematen duen lehen baliabidea. Erdaraz ez dago orain artean halakorik.Argibide gehiago: http://www.erabili.com/zer_berri/berriak/1112882164

HUHEZIk Gizakom bloga sortu du Mondragon Unibertsitatearen Humanitate eta Hezkuntza Zientzien Fakultateak, HUHEZIk, Gizakom izeneko bloga sortu du, informazioa zabaltzeko fakultate horretako Giza Zientzien inguruan. Bi karrera izango ditu mintzagai Gizakom blogak: Enpresarako Giza Zientziak, eta Informazioa eta Komunikazioa. Ikasketa horiekin lotutako albisteak, elkarrizketak, eta iritzi artikuluak argitaratuko dira Gizakom blogean. Argibide gehiago: http://www.gizakom.blogspot.com

ScanSoften esatari euskalduna online probatzeko aukera Arantxa izena du eta ScanSoftek sortu duen esatari euskalduna da. Testu-hizketa bihurketako RealSpeak aplikazioan euskaraz idatzitako testuei ahotsa jartzen die. Enpresaren webgunean bere ahotsa entzuteko aukera ematen dute. Gehienez ehun karaktere dituen testu bat idatzi eta esatariak irakurri egingo du. Informazio gehiago: http://www.scansoft.com/speechworks/realspeak/demo/default.asp

MARTIN UGALDE KULTUR PARKEA :: 20140 Andoain :: Tel:943 592556 :: Fax:943 304151 :: kluster@soziolinguistika.org

Soziolinguistikaz berripaperaren 04. zenbakia

4. zenbakia / 2005eko iraila

Soziolinguistikaz word formatoan jaitsi nahi baduzu, sakatu hemen

AGENDA

2005eko urriak 14-15 "Langues et frontières" Europako sarearen biltzarra Biarritzen. 2005eko urriaren 14tik 15era, "Apprendre sur la frontière: la langue du voisin dans la région frontalière" biltzarra egingo da Bellevue gunean, Biarritzen, Baiona Donostia Euskal Eurohiriak antolatuta. Behin-behineko egitarauan aurreikusten diren hitzaldien artean ditugu, besteak beste: Urriak 14, ostirala:

Hizkuntza-heziketa politika eta mugaz gaindiko lankidetza (M.William Marois)
Euskal Euroihiriaren errealitate soziolinguistikoa (Jon Aizpurua)
Hizkuntzen tratamendua zainduko duen irakaskuntza eredua (M.Narbona) / Irakaskuntza elebiduna (J.Duverger)
...

Ordutegia: 8:30etatik 17:30etara

Izen-ematea: e.moreda@agglo-bab.fr edo tfn: 0033 (0) 559 44 72 51

Harremanetarako edo informazio gehiago:curio@gipuzkoa.net

2005eko irailak 30-urriak 1. Hezkuntza sistema: hizkuntza mehatxatuak babesteko tresna? Perpignan-eko Unibertsitatea (Frantzia). CRILAUP (Centre de Recherches Ibériques et Latino-Américaines de l'Université de Perpignan). Hitzaldi-saioa antolatu dute Perpignan-eko Unibertsitatean, helburu honekin: hezkuntza sistemaren eragina ebaluatzea hizkuntza normalizazioari dagokion politikaren inguruan, hizkuntza gutxitu bat bizirautea ziurtatzeko eta bere funtzioak indartzeko baliabideak eskaintzeko ahalmenari dagokionean. Lanerako hizkuntza frantsesa izango da saio hauetan.

lagarde@univ-perp.fr

chrysburban@voila.fr

Argibide gehiago: http://www.univ-perp.fr/lsh/rch/crilaup/Colloque%20Ecole.htm

2005eko irailak 26-30. Komunikazioa, kultura, eta eleaniztasuna. Granadako Unibertsitatea. Gizartean hain abiadura handian gertatzen ari diren eraldaketek elkarreragin kulturanitzak eta eleanitzak sortzen ditu, eta ez gaude oraindik horretarako prestatuta. Ikastaroaren helburua izango da hizkuntzaren oinarri linguistiko, kognitibo eta filosofikoak aurkeztea, eta arlo hauek lantzeko eremuak eta metodoak zehaztea, gaian adituak direnen eskutik. Ikastaroa ingelesez izango da, itzulpenik gabe. Kostua: 110 € Izen-ematea eta informazio gehiago: http://www.ugr.es/~cm/accesos/comunicacion.htm

2005eko urriak 26-28.IV Mercator International Symposium: "Translation of Culture, Culture of Translation: Languages in Film, Television and Literature". Aberystwyth. Gales. Sinposium honetan landuko diren gaiak izango dira, besteak beste: itzulpen politikak, kultura "globalaren" eraginak, kultura politika eta itzulpengintza, hizkuntza transferentzia eta kultura transferentzia, itzulpengintza eta hizkuntza plangintza, teknologia digitala eta internet, zeinu mintzairak eta ikus-entzunezkoak, ikusleak eta hiztun onak entzule/irakurle, haurrak entzule/irakurle. Informazio gehiago: http://www.aber.ac.uk/mercator/

2005eko azaroak 25-26Hizkuntza eta Irakaskuntzaren inguruko Jardunaldiak. Bartzelona. Jardunaldi hauek Lehen Hezkuntzan eta Bigarren Hezkuntzan katalanaren egoera zein den aztertu nahi dute, ikasleek ziklo bakoitza amaitzean eta ikasgelatik kanpora dituzten eraginak kontuan izanda. Aldi berean, hezkuntza munduan katalanaren bultzada eragingo duen diskurtso bati leku egin nahi zaio jardunaldi hauetan. Hizlarien artean izango dira, besteak beste: Xavier Vila, Ernest Querol, Ignasi Vila, eta abar. Lekua: Parke Zientifikoko auditorioa. Campus Diagonala - Bartzelonako Unibertsitatea Izen-ematea: http://www6.gencat.net/llengcat/noves/agenda/gcs_edu.htm Argibide gehiago: http://sociolinguistica.org/nouweb/jornades.php edo gcs@sociolinguistica.org

EKIMENAK ETA KANPAINAK:

Bai Euskarari ziurtagiria kudeatzeko erakunde autonomoa. Euskararen Gizarte Erakundeen Kontseiluak, Bai Euskarari ziurtagiria kudeatzeko erakunde autonomoa sortu du, ziurtagiri horrek bost urte bete dituenean. Dagoeneko mila eragilek baino gehiagok lortu dute agiria; horien artean dira, enpresak, saltokiak, eta bestelako entitateak. Informazio gehiago: http://www.kontseilua.org/zerberri.cfm?hizkuntza=0&atala=berria_erakutsi&id=281

Euskara bultzatzeko Gazte Hitzarmena. Euskal Herriko hainbat eragilek Gazte Hitzarmena ekimena abiatu dute, euskararen normalizazioaren alde lan egiteko asmoz. Dagoeneko 28 eragilek sinatu duten Gazte Hitzarmenak bi oinarri nagusi ditu:

1) alde batetik, gazte eragileek euren jardueran eta gazte eremuetan euskara bultzatzeko konpromisoa hartzea.
2) Bestetik, hizkuntza eskubideak eta ofizialtasuna aldarrikatzen dituen manifestua sinatzea.

http://www.gaztesarea.net/info/berria.php?id=3152

IKERKETAK ETA AZTERKETA LANAK:

Euskal Curriculuma herritarren parte hartzeaz osatzen. Sortzen-Ikasbatuaz, Ikastolen Konfederazioak eta Udalbiltzak sinatutako akordioan adostu zen bezala, Euskal Curriculumaren eraikuntzan herritarrek ere aukera izan behar dute beren ekarpenak, iritziak... plazaratzeko. Ahatik, Udalbiltza Euskal Herriko 320 gizarte eragile pasatxorekin harremanetan jarri da prozesu honetan parte har dezaten. Aldiz, Ikastolen Konfederazioa, Sortzen-Ikasbatuaz, eta Kristau Eskolak hezkuntza eremura mugatuko dira; erakunde bakoitzak bere sarean eztabaida prozesua ireki du edota irekitzekotan da. Horrela, hezkuntzaren mundutik egingo diren ekarpenekin eta gizarteak egingo dituen ekarpenekin ikasturte honetan osatu beharko da Euskal Curriculuma.Harremanetarako: 696200570 (Igor Arroyo)Informazio gehiago: http://www.euskalcurriculuma.info (oraindik ez dago indarrean)

Jose Antonio Loidi beka. Irungo Udala. Euskarazko ikerketa sustatzeko Irungo Udalak egindako deialdiaren ezaugarriak hauek dituzue:

Ikerketa esparruak: antropologia, filologia, toponimia, literatura, osasun publikoa, hidrologia eta botanika. Proiektua, azterlana eta memoria euskaraz egingo dira.
Bekaren iraupena:12 hilabete.
Diruzenbatekoa:9.000 euro.
Aurkezteko epea:2005eko irailaren 5etik 23a arte.

http://www.irun.org/bin/einicio.asp#

"Immigració i llengua. Ús de la llengua catalana entre els joves immigrants al Montsià" Egilea: Marta Tenas. UOC (Universitat Oberta de Catalunya) Giza-Zientzietako lizentziaturaren amaierako lan hau Montsiáko eskualdean egindako lan baten emaitza da. Lanaren helburua, 15-16 urteko gazte immigranteen hizkuntza errealitatea ezagutzea izan da; hain zuzen ere, gazte hauek ikasketa guztiak katalanez diren eskola batean sartu dira eta oinarrian katalan-hiztuna den gizarte batean murgildu dira. Harremanetarako edo lana eskuratzeko: mtenas@uoc.edu

Katalanaren ezagutza eta erabilera bultzatzeko plan pilotua: ezagutzatik erabilera sozialera 2004ko irailetik 2005eko abendura martxan da Kataluniako hainbat udalerritan (Badalona, Banyoles, Lleida, Manlleu, Reus, Ulldecona, eta Vic) katalanaren ezagutza eta erabilera bultzatzeko plan pilotu bat. Planaren helburua da, besteak beste, katalana ikasteko erraztasunak eskaintzea administrazio guztietan modu koordinatuan. Esperientzia pilotu hauek, gainera, aurrera begira beste udalerri batzuetan aplikatzeko oinarri izatea nahi da. Planaren koordinatzailea: Dolors Solà Informazio gehiago: http://www6.gencat.net/llengcat/noves/hm05primavera-estiu/sola1_3.htm

SOZIOLINGUISTIKA KLUSTERRA

Bazkide berriak

2005eko ekainaren amaieratik bazkide berri bat du Soziolinguistika Klusterrak: EHU-UPVko Hezkuntzaren Teoria eta Historia Saila, hain zuzen ere. Bazkide bakoitzaren azalpen zabalagoa (erakundearen jarduera zein den eta soziolinguistikarekin ze lotura duten) Soziolinguistika Klusterraren webgunean duzue (http://www.soziolinguistika.org/eu/node/1113)

BAT soziolinguistika aldizkaria

Hurrengo zenbakia (56): Dosierra: Euskararen jabekuntza eskolan:

Lehen eta bigarren hizkuntzen ulermenean eragiten duten faktoreak.
Nafarroako irakaskuntza elebiduna: irakasleen jarrerak eta sinesmenak
Elebitasunarekiko eta euskararekiko: Arabar Errioxako zenbait datu.
...

Azken zenbakia (55):

Informazio gehiago

kluster@soziolinguistika.org

ARGITALPENAK:

IKASTETXEETAN euskararen erabilera indartzeko planak: EBPN udal-ereduekin uztartzea Egileak: Iñaki Arruti, Erramun Osa. Argitaratzailea: Euskararen Aholku Batzordea. Eusko Jaurlaritza. 2004. 53 or. Liburu honetan azaltzen dizkigute egileek ikastetxeetako euskararen erabilera sustatzeko egindako lana eta gogoeta. Atal hauek bereizten dira bertan:

Hezkuntzan bideratu beharreko zenbait kezka.
Ikastetxeetan euskararen erabilera indartzeko, branka noranzko egokian jarri behar da.
Ikastetxeetako euskararen jarduketa-planak eta EBPN.
EBPN udal ereduak garatzeko aukeratutako neurriak.
Ikastetxeetan euskararen erabilera indartzeko planak eta EBPN udal-ereduen arteko uztarketa.
Euskararen erabilera indartzeko bestelako proposamenak.

La politique linguistique au Pays Basque. Egilea: Eguzki Urteaga. Argitaratzailea: L'Harmattan. Paris. 2004. 188 or. Eguzki Urteagak frantsesez argitaratu duen lan hau bi ataletan banatzen da: Lehenengo zatia euskararen egoeraren ingurukoa da, eta bertan azaltzen dituen gaiak dira, hizkuntza transmisioa, hizkuntza konpetentzia, praktika linguistikoa, identitatea, jarrerak, eta iritziak. Bigarren zatian Euskal Herriko hizkuntza politikaz jardun da egilea, besteak beste Euskal Herriaren 2010erako prospekzio bat eginez, Euskararen Kontseiluaz eta Euskara Plana 2015az atal bat idatziz, etab.

A dictionary of sociolinguistics Joan Swann [et al.], Edinburgh University Press, Edinburgo, 2004, 368 or. Egileak: Joan Swann, Ana Deumert, Theresa Lillis, Rajend Mesthrie. Soziolinguistikaren arloan dabiltzan ikasleentzat, irakasleentzat, eta ikerlarientzat argitaratu den hiztegi hau ingelesez dago (termino edo sarrera bakoitzaren ondoren ingelesezko azalpena dator, alegia).

Els usos lingüístics a les empreses amb vocació internacional. Argitaratzailea: Hizkuntza Politikako Idazkaritza. Bartzelona: Kataluniako Generalitata, 2005 Argitalpen honek Quebec-en 2003ko ekainaren 9an eta 10ean izandako "Nazioarteko bokazioa duten enpresetako hizkuntza-praktika"ri buruzko solasaldiaren aktak biltzen ditu. Lan hau ere Kataluniako eta Quebec-eko Gobernuek 1996tik aurrera hizkuntza plangintzan duten lankidetzari esker atera da aurrera. Informazio gehiago: http://www6.gencat.net/llengcat/noves/novetats/grans_empreses.htm

ADUM proiektuaren webgunea Koordinatzailea UOC (Universitat Oberta de Catalunya) Hizkuntza gutxituen inguruko komunitate birtual berri bat aurkeztu dute. Europan hizkuntza hauen inguruan lanean ari diren erakundeen eta pertsonen eskura dago proiektu hau. ADUMek Europako bazkideen datu-baseak eskainiko ditu. Horrez gain, Europako proposamenak lantzeko eta antzeko ikertetak begiratu ahal izateko eskuliburu bat eskainiko du. Informazio gehiago: http://www.adum.info Harremanetarako: info@adum.info

BESTELAKOAK

Justizia Euskaraz elkartea sortu dute Justizia Administrazioan euskararen normalizazioa bultzatzea, aldarrikatzea eta lantzea du helburu Justizia Euskaraz elkarteak. Elkartea 40 bat abokatuk, prokuradorek, epailek, notariok eta erregistradorek osatu dute, besteak beste. Lehen ekimena, hizkuntza eskubideen ponentzia juridikoa izenekoa, martxan dute jada. Informazio gehiago: http://www.erabili.com/zer_berri/berriak/1118245648

Gazteen euskara sustatzeko "Xabiroi" komikia. Euskal Herriko Ikastolen Konfederazioak Xabiroi izeneko komikia sortu du, gazteek ikasgelatik kanpo euskara erabili dezaten sustatzeko. Besteak beste, Manu Ortegak, Patxi Pelaezek, Asiskok, Joxean Muñozek, Harkaitz Canok eta Dani Fanok hartuko dute parte komikian. Ikasturtean zehar hiru zenbaki kaleratuko dituzte. Oraingoz ikastolen aldizkariarekin banatuko da. Harremanetarako: ehie@ikastola.net

Cervantes Institutuak euskara munduan zehar hedatuko du Euskaltzaindiak eta Cervantes Institutuak bi urteko lankidetza hitzarmena sinatu dute euskara eta euskal kuntura munduan barrena zabaltzeko. Hitzarmen honen xedeari jarraituz, euskal hizkuntza eta kultura bultzatuko dute bi erakundeek, batez ere Espainiatik kanpo eta Instituto Cervantesen zentroen bitartez.Osorik irakurtzeko: http://www.euskaltzaindia.net/zerberri/berria.asp?hizkuntza=eu&id=96

FEVEren eta Euskaltzaindiaren hitzarmena FEVEk eta Euskaltzaindiak hitzarmen bat sinatu dute tren-geltokien izenak eta euskarazko testu guztiak modu egokian jartzeko. FEVEk hizkuntzaren normalizazio plana abiaraztea erabaki du, eta hori gauzatzeko Euskaltzaindiaren laguntza eta aholkularitza izatea nahi du. Euskaltzaindiak zerbitzu hori ematea onartu du. Hitzarmenak urtebeteko iraupena izango du, urtero luzatzeko aukerarekin. Informazio gehiago: http://www.erabili.com/zer_berri/berriak/1118832890

Soziolinguistikaz berripaperaren 05. zenbakia

Soziolinguistikaz word formatoan jaitsi nahi baduzu, sakatu hemen

AGENDA

Espezialitate-hizkerak eta Terminologia. II. Jardunaldiak 2005eko abenduaren 19an eta 20an "Espezialitate-hizkerak eta Terminologia. II. Jardunaldiak" egingo dira EHUko Leioako kanpusean, Euskara institutuak antolatuta. Hitzaldiak eta komunikazioak lau alor hauen barruan kokatuko dira:

A) Hiztegi Batua eta terminologia
B) Gramatika-arauak eta espezialitate-hizkerak
D) Diskurtso espezializatua eta diskurtso orokorra
E) Corpusak eratzeko eta ustiatzeko irizpideak

www.ehu.es

Hizkuntza eta Irakaskuntza Jardunaldiak Bartzelonan 2005eko azaroaren 25tik 26ra, "Jornades llengua i ensenyament" jardunaldiak egin dira Bartzelonako unibertsitatean, Grup Català de Sociolingüísticak antolatuta. Hizkuntza eta irakaskuntzaren arteko harremanak eta hezkuntzaren papera katalanaren normalizazioan izan dira jardunaldi horien gai nagusia.

sociolinguistica.org

Soziolinguistika Jardunaldiak. Euskararen zonifikazioaren azterketa. 2005eko azaroaren 18an eta 25ean euskararen zonifikazioari buruzko jardunaldiak antolatu dira Beran, Bidasoa ikerketa Zentroak antolatuak.

Euskararen jatorriaren I. Biltzarra Arantzazun "Euskararen jatorriaren I. Biltzarra" Arantzazun burutu da, 2005ko azaroaren 19an, Mikoleta, Euzko Izaera, Bizi-Hitza eta Ena Elkarteek antolatuta. Egitaraua ikusteko eta biltzarra honi buruzko informazioa gehiago irakurtzeko: Euskararen jatorriaren I. Biltzarra Antolatzaileekin harremanetan jartzeko: mikoleta@euskalnet.net

Eleaniztasunari buruzko Biltzarra Parisen 2005eko azaroaren 24an eta 25ean "Langues de cultures, langues de communication: un enjeu de la globalisation" deitutako biltzarra antolatu da Parisen. Hiru gai nagusi jorratu dira:

les enjeux culturels, économiques et sociaux du plurilinguisme,
les langues tout au long de la vie,
le plurilinguisme dans les relations et échanges internationaux.

http://www.europe-avenir.com/Plurilinguisme.htm

http://assisesplurilinguisme.affinitiz.com

Etorki(zu)nak immigrazioa eta kultur aniztasuna: Euskal Herriko eta Herrialde Katalanetako esperientziak Azaroaren 21etik 25era. Altsasuko Iortia kulturagunean eta Etxarri Aranazko kultur etxean "Etorki(zu)nak immigrazioa eta kultur aniztasuna: Euskal Herriko eta Herrialde Katalanetako esperientziak" jardunaldiak burutu dira, Sakanako mankomunitateak antolatua.

www.sakanakomankomunitatea.com

euskara@sakanakomankomunitatea.com

EKIMENAK ETA KANPAINAK:

Euskararen telefonoa Hizkuntz Eskubideen Behatokiak "www.euskararentelefonoa.com" web gune berria aurkeztu du. "Herritarrari modu errazagoan bizipenak helarazteko modua abian jarri dugu", azaldu du Behatokiko Zuzendariak, Paul Bilbaok. Informazio gehiago: euskararentelefonoa.com

"Eskutik euskara" kanpaina Euskara ikasleek beren lagunak ere ikastera animatzeko kanpaina jarri du abian Kontseiluak Kontseiluak "Eskutik euskara" kanpaina jarri du abian. Horren helburua euskara ikasten ari direnek beren inguruko norbait ere ikastera animatzea da. Hala, lagun edo senideren baten datuak apuntatzeko txartelak prestatu dituzte. Informazio gehiago: http://www.kontseilua.org

Gazte hitzarmena euskararen alde Euskarak gazteen artean nahi bezain osasun onik ez duela jabetuta, gazte mugimenduko 28 eragilek Gazte Hitzarmena sinatu dute, euskara berreskuratzeko lanean konpromiso zehatzak hartuz. Autokritika aldarrikatzen dute gazteek, beraiek beraien eremuan euskararen erabilera sustatzeko gehiago egin dezaketela eta egin behar dutela sinestuta. Informazio gehiago: http://www.erabili.com/zer_berri/berriak/1131635449

IKERKETAK ETA AZTERKETA LANAK:

Artxiker artxiboaren aurkezpena Artxiker artxiboa (artxiker.ccsd.cnrs.fr) nazioarteko liburutegi elektroniko bat da, euskarari eta tipologikoki hari hurbil diren hizkuntzei buruzko ikerlanak biltzen eta zabaltzen dituena. IKER (www.iker.cnrs.fr ) eta CCSD (Centre pour la Communication scientifique directe, www.ccsd.cnrs.fr) delakoaren arteko lankidetzaren fruitua da artxibo hau, eta euskarari buruzko ikerketak bultzatzen dituzten gune unibertsitario nagusien babesa badu. Informazio gehiago: www.iker.cnrs.fr eta artxiker.ccsd.cnrs.fr

William F. Haddicanen doktoretza tesia William F. Haddicanen doktoretza tesia "Aspects of language variation and change in contemporary basque" irakurgai da interneten. Ikerlan hau New Yorkeko unibertsitatearen hizkuntzalaritza sailan aurkeztu zen. Informazio gehiago: homepages.nyu.edu/~wfh203/dissertation.pdf

Europako Hizkuntza Gutxituen Itunaren jarraipen txostena Europako Kontseiluko Adituen Batzordearen txostena Europako Hizkuntza Gutxituen Itunaren jarraipenari buruz eskura daiteke sarean gaztelaniaz, frantsesez edo ingelesez. Informazio gehiago: http://www.erabili.com/zer_berri/berriak/1127672325/index_html#1127723724

Hezkuntza Sailaren Ikasmaterialen Aholku Batzordearen estilo-liburua Eusko Jaurlaritzaren Hezkuntza Sailaren Ikasmaterialen Aholku Batzordea estilo-liburua osatzen ari da, ikasmaterialak egiteko hizkuntza-irizpideak finkatuta egon daitezen. Atalka argitaratuko dute: lehen atala "Ortotipografia" izenekoa izan zen. Bigarrena, berriz, "Kalko okerrak" izenekoa. Oraingo honetan hirugarren alea oso-osorik **erabili.com**-era ekarri dute: Onomástica. Informazio gehiago: http://www.erabili.com/zer_berri/muinetik/1127485583

"Gazteen argazkiak 8" Euskal Autonomia Erkidegoko ia gazte guztiek derrigorrezko hezkuntza amaitzean euskaraz jakin beharko luketela uste dute. Gazte beraien erdiaren iritziz, ordea, hori ez da horrela gertatzen. Ondorio hori plazaratu du Eusko Jaurlaritzak Euskal Gazteen Behatokiaren eskutik plazaratu berri duen *Gazteen Argazkiak 8* inkestaren txostenak. Informazio gehiago: Gazteen argazkiak 8

Gazteen jolasa euskaraz Gazteek bakarka edo lagunekin euskaraz jolas dezaten, Hitzmix CD-ROMa kaleratu du oraindik orain Elhuyar Fundazioak. Informazio gehiago: http://www.erabili.com/zer_berri/berriak/1127200985

SOZIOLINGUISTIKA KLUSTERRA

BAT soziolinguistika aldizkaria

Hurrengo zenbakia (57): Dosierra: Euskararen erabileraren eta normalizazioaren azterketa lan munduan:

Lan-mundua: gaurko egoera eta asmoak. Nikolas Gardner
Erabilera plana abian jartzea erabaki estrategikoa da enpresarentzat. Amaia Lariz
Erabilera planen aldeko argudioak Patxi Alaña (Artez)
Debagoienako esperientzia. Joxerramon Elortza, Inaxio Garro, Errukane Aperribai (Euskalan Elkartea)
Aurrerapausoak erabileran: esperientzia praktikoak:
Arlan: 13 urteko euskara plana Patxi Alaña - Begoña Fernandez IHM Fundazioaren Goazen egitasmoa Edurne Bilbao (IMH) eta Mikel Urdangarin (Ahize) Euskararen haizeak Fagor Arrasaten Eñaut Apaolaza (Emun), Joxean Alustiza (Fagor) Elkargiren euskara plana: 2 urteko esperientzia Axier Baglietto (Elhuyar)
EKKO: Euskarazko Komunikazioaren Kudeaketa Organizazioetan Kepa Atutxa eta Ibai Atutxa (Egaratu Kooperatiba Elkartea)
Jarrera, portaera, motibazioa, eta parte-hartzea enpresetako euskara-planetan. Nekane Arratibel (Huhezi) eta Joxpi Irastortza (Emun)
Sozioekonomia arloaren bilakaera Katalunian: ikerketak eta ekintza-planak Ernest Querol
Immigrazioa, naziotasuna, eta herritartasuna. Castillo Suarez eta Pedro Albite
Hizkuntza eskubideak eta euskara hezkuntza sisteman. Iñigo Urrutia. Eunate Prieto
Azken zenbakia (56):
Euskararen jabekuntza eskolan
Lehen eta bigarren hizkuntzen ulermenean eragiten duten faktoreak.
Nafarroako irakaskuntza elebiduna: irakasleen jarrerak eta sinesmenak
Elebitasunarekiko eta euskararekiko: Arabar Errioxako zenbait datu.
Bost urteko haur elebidunen euskarazko ipuin-kontaketak.
Hizkuntza eskubideak 2004an.
Europar Batasuna: egungo hizkuntza politikaren azterketa eta etorkizunerako proposamena.
Informazio gehiago
Harremanetarako: kluster@soziolinguistika.org
ARRUE programari buruzko jardunaldia Arrue programari buruzko jardunaldia burutu da 2005ko azaroaren 1ean.
Informazio gehiago: http://www.soziolinguistika.org/eu/node/1677
ERALAN proiektua garatzen ari da Soziolinguistika Klusterra eta Bizkaiko Foru Aldundia ERALAN proiektua garatzen ari dira elkarlanean.

Kale Erabileraren Neurketak Ondorengo bi hilabetetan Kale Erabileraren Neurketak egingo dira Urretxun, Zumarragan, Antzuolan, Oiartzunen eta Aretxabaletan, Soziolinguistika Klusterraren eskutik.
"Soziolinguistika Materialak" Soziolinguistika Klusterraren weborriaren atal berria Soziolinguistika Klusterrak atal berri bat sortu du bere weborrian Soziolinguistikagintzan dihardutenentzat. "Soziolinguistika Materialak" deitutako atal honetan soziolinguistikan aritzeko interesgarriak izan daitezkeen materialak, inkestak, ikerlanak, kanpainak e.a. aurkitzen dira eta webgunetik jaisteko moduan daude.
Informazio gehiago: http://www.soziolinguistika.org/eu/fitxategiak/152

ARGITALPENAK:

Esparru sozioekonomikoan euskara biziberritu eta hizkuntza normalizaziorako hurbilpen sistematikoagoa eta eraginkorragoa izateko irizpideak eta estrategiak Egileak: Euskararen Aholku Batzordea. Argitaratzailea: Eusko Jaurlaritzaren Argitalpen Zerbitzu Nagusia. Gasteiz, 2005. 82 or. Liburu honetan hizkuntza plangintza esparru sozioekonomikoan aztertzen da. Sarreran abiapuntu teorikoa aurkeztu eta gero, lau atal nagusitan banatzen da liburu hau. Lehenengoan lan-arloan azken urte hauetan egindako euskara plangintzak plazaratzen dira. Bigarrenean gaur egungo diagnosia egiten da iturri anitz aipatuz. Hirugarren atalean egoeraren analisia egiten da, ahuleziak, indarguneak, mehatxuak eta aukerak azpimarratuz. Azken atalean plangintzarako proposamenak eta funtsezkoak diren lan ildoak eskaintzen dira.

Euskaldun orok altxa burua. Enquêtes sociolinguistiques en Garazi 1982, 2002 Egileak: Jakes Aurnague eta Maia Duguine. Argitaratzailea: Eusko Ikaskuntza, Lankidetzan bilduma. Donostia, 2005. 231 or. Frantsesez eta euskaraz idatzitako liburu honetan Garazi eremuaren egoeraren bilakaera soziolinguistikoa 1982. eta 2002. urteen artean zehar aurkituko dugu. Lehenengo atal batean, Jakes Aurnaguek 1982an Garaziko kolegioetan burututako inkesta aurkezten da, eta bigarren atalean Maia Duguinek 2002an egindako ikerketa bera aurkituko dugu. Jakes Aurnagueren lana aitzindaria izan zen Iparraldean, eta orokorrean lan hau oso garrantzitsua da Ipar Euskal Herriko soziolinguistikagintzarako, ondorio zuzen eta zehatzak azaltzen baititu.

Clinical sociolinguistics Egilea: Martin J. Ball (editorea) Argitaratzailea: Blackwell, Malden, 2005. 335 or. Ingelesez argitaratutako lan honetan soziolinguistikaren ekarpen klinikoa hitz-lengoaia patologietarako aztertzen da. Liburuaren lehenengo zatian bilduta dauden ekarpenak egoera klinikoetarako garrantzitsuenak diren soziolinguistika kontzeptuak azaltzen dira, eta bigarren atalean soziolinguistikaren aurrerapen eta ekarpen klinikoak plazaratzen dira. Tartean afasia, hizkuntza pertzepzioa, umeen eleaniztasuna... lantzen dira.

Metodología de la investigación sociolingüística Egileak: Juan Manuel Hernández Campoy eta Manuel Almeida. Argitaratzailea: Comares, Málaga, 2005, 349 or. Liburu honen titulua adierazten duen bezala, ikerketa soziolinguistikoen metodologia lantzen da ikerlan honetan. Soziolinguistikaren definizioa eta sorrera aurkeztu eta gero liburu honen bigarren zatian bariazio soziolinguistikoa ikertzeko erabiltzen diren tresna metodologikoak plazaratzen eta analizatzen dira, adibide anitz aurkeztuz eta iturri bibliografiko oso bat eskainiz.

Koldo Zuazoren liburu berria: "Euskara batua: ezina ekinez egina" "Euskara batua: ezina ekinez egina" liburua plazaratu berri du Koldo Zuazok (Eibar, 1956): hizkuntzaren batasunera iristeko mendeetan izan den bide zaila kontatuz, batetik, baina egungo arazoak eta etorkizuneko ikuspegia ere ahaztu gabe.
Informazio gehiago: http://www.erabili.com/zer_berri/galdezka/1131121422 eta http://www.erabili.com/zer_berri/muinetik/1131379712
Orotariko Euskal Hiztegia: Orotariko Euskal Hiztegiaren 16. liburukiak, 14.028 orrialde eta 125.987 sarrera dituena aurkeztu da.
Informazio gehiago: http://www.erabili.com/zer_berri/berriak/1132268095
"Jarri sasoian korrika" Tolosako udalaren argitalpena Euskararen sasoia kirol arloan ere hobetzeko *Jarri sasoian korrika* liburu ospetsua argitaratu du euskaraz Tolosako Udalak.
Informazio gehiago: http://www.erabili.com/zer_berri/berriak/1128415380

BESTELAKOAK

HIZKUNEA sozioliguistikako agerkaria Eusko Jaurlaritzaren Hizkuntza Politikarako Sailburuordetzak Hizkunea izeneko aldizkari elektronikoa aurkeztu du. Soziolinguistika gaietara emana, hizkuntzaren eta gizartearen arteko harremanen gaineko jakintza hedatu nahian sortu da aldizkari berria.
Hizkunearen weborria: http://www.euskara.euskadi.net/r59-3540/eu/
INGUMA datu-basearen berrikuntzak UEUk kudeatzen duen euskal komunitate zientifiko-intelektualaren datu-basea, INGUMA, bi berrikuntzekin jantzi da. Dagoeneko datu-base honetatik dokumentuen kontsulta zuzenak egin eta material digitalizatuak aurkitu daitezke, unibertsitate-mailako ikerketa, irakaskuntza edota kontsulta erraztu eta aberasteko helburuarekin.
Informazio gehiago: http://www.sustatu.com/1129643051
Ereduzko Prosaren corpusa *Ereduzko Prosa Gaur* Interneteko testu arakatzaileak bere corpusa gizentzen jarraitzen du etengabe. *Herria* astekariko aleak eta 61 liburu gehitu dizkiote arakatzaileari joan den azaroaren 14an eginiko azken eguneratzean eta, horrenbestez, 18 milioi hitzen kopurua gainditu du corpusak. *Ereduzko Prosa Gaur*-ek amaraunean euskarak duen corpusik handiena dauka bere baitan.
Informazio gehiago: http://www.erabili.com/zer_berri/berriak/1132325371
Euskara ikastaroa Azpeitiko Euskara Biziberritzeko Plan Nagusiak (EBPN) beste mugarri bat jarri du: hastear den ikasturtean 2005-2006an, Euskal Autonomia Erkidegoan dauden 162 euskaltegietatik sei euskaltegitan bakarrik hasiko dira ematen EGAtik gorako 4. mailako ikastaroa. Hain zuzen, Azpeitiko Udal Euskaltegia izango da 6 horietako bat. Mugarri berria izango da helduen euskalduntzean eta alfabetatzean, eta erronka handia Azpeitiko Udal Euskaltegiarentzat eta Euskara Patronatuarentzat.
Informazio gehiago: http://www.erabili.com/plangintzak/gurien/1127806100
Ingurugiro gaiei buruzko tesauro euskalduna Euskara aurki daiteke Europako Batasuneko instituzio batean, erdi ezkutaturik. GEMET izena du Europako erakunde komunitario baten tesauro batek. Hiztegi eleanitz hierarkizatu bat, tartean euskara dagoelarik.
Informazio gehiago: http://www.sustatu.com/1126691947

Soziolinguistikaz berripaperaren 06. zenbakia

Soziolinguistikaz berripapera word formatoan jaitsi nahi baduzu, sakatu hemen

AGENDA

2005eko azaroak 5-6 Praktika kulturalak eta nortasun kolektiboak 2005eko azaroaren 5 eta 6an Praktika kulturalak eta nortasun kolektiboak jardunaldiak burutu dira. Euskal Kultur Erakundeak eta Eusko Ikaskuntzak Euskal Herri osoan praktika kulturalei eta nortasun kolektiboei buruz eraman inkestaren emaitzen aurkezpena egin da eta ondoren Cyrille Peyramonen "Euskara" filma ikusi ahal izan da.

Argibide gehiago: http://www.eke.org/agenda/1132744638

2006 urtarrila 18-21. EXPOLANGUES "Munduko hizkuntzak, hizkuntzen mundua" lelopean, Expolangues azoka burutuko da urtarrilaren 18tik 21era Parisen. 24. edizio honetan gonbidatutako Herria Alemania izango da. Euskarak bere lekua izango du Eusko Jaurlaritzak jarriko duen erakustokiaren bitartez. Argibide gehiago: http://www.expolangues.fr/

2006 urtarrilla 23-25. Lehenengo eta bigarren hizkuntzen ikaskuntza Lehenengo eta bigarren hizkuntzen ikaskuntza "Apprentissage des langues premières et secondes" mintzaldiak burutuko dira Parisen 2006ko urtarrilaren 23 eta 25 artean. Mintzaldi horiek M. Kail, M. Fayol & M. Hickmann antolatuak dira eta ahozko eta idatzizko hizkuntzen ikasketa landuko dira 3 egun horietan. Informazio gehiago: kail@psycho.univ-paris5.fr

2006 urtarrilla 30- otsaila 3.Ikerketaren metodologia hizkuntzalaritzan Urtarrilaren 30tik otsailaren 3ra bitartean Ikerketaren metodologia hizkuntzalaritzan jardunaldiak egingo dira Morellan, Institu Joan Lluis Vivesek antolatuak. Argibideak: http://www.gipuzkoaeuskara.net/egutegia/1135669432

2006 otsaila 19-25 CICLing mintzaldiak 2006 Mexikon Hizkuntzalaritza konputazionaliri buruzko 7. mintzaldi internazionalak (7th International Conference on Intelligent Text Processing and Computational Linguistics) egingo dira Mexikon otsailaren 19tik 25ra. Argibide gehiago: http://www.cicling.org/2006/

2006 martxoa 30- apirila 1 AESLA Biltzarraren XXIV. edizioa AESLA Biltzarraren XXIV. Edizioa egingo da Madrilen 2006ko martxoaren 30etik apirilaren 1era "Hizkuntzak ikastea, hizkuntza erabiltzea eta eredu kognitiboak: diziplina arteko ikuspegiak" lelopean. Argibide gehiago: www.uned.es/aesla2006

EKIMENAK ETA KANPAINAK:

Hizkuntza politika aurrera begira Eusko Jaurlaritzaren Hizkuntza Politikarako Sailburuordetzak gizartearen aurrean legealdi honetarako (2005-2009) hartzen duen konpromisoa jaso nahi du dokumentu honek. Euskara berreskuratzeko bidean jorratu nahi diren hizkuntza politikaren ildo, oinarri eta jarraibide nagusiak eman nahi ditu ezagutzera. Dokumentua osorik irakur daiteke gure weborrian materialen atalean: http://www.soziolinguistika.org/

Lan arloa euskalduntzeko ikastaroa Eusko Jaurlaritzaren Hizkuntza Politikarako Sailburuordetzak plazaratu berri duen 2005-2009 egitasmoaren lan ildoetako bat lan munduko esparru publiko nahiz pribatuetan euskararen erabilera sustatzea da. Horretan lagungarri izan liteke Asmoz Fundazioak eta Eusko Jaurlaritzaren Hizkuntza Politikarako Sailburuordetzak elkarlanean antolatutako LINGUANET, Internet bidezko Lan Munduko Hizkuntza Plangintza ikastaroa. Informazio gehiago: http://www.erabili.com/zer_berri/berriak/1114774742

Urola kostako enpresak, Lanera! Urola Kostako sei enpresek euskararen erabilera handitzeko "Lanera!" egitasmoan parte hartzeko hitzarmen bana sinatu dute. Informazio gehiago: http://www.erabili.com/zer_berri/berriak/1132738495

Euskararentzat lortu beharrekoa arautu Azpeitiak Azpeitiak era berezian ospatu du "Euskararen Nazioarteko Eguna". Azpeitiko Udalak, herriaren historian estreinakoz, euskararentzat lortu beharrekoa arautu du: "Azpeitiko Udalean eta Udalerrian Euskararen Erabileraren Sustapena eta Normalizazioa Bermatzea Helburu duen Udal-ordenantza". Informazio gehiago: http://www.erabili.com/plangintzak/gurien/1133365410

Lasarte-Oriako enpresak euskararekin irabazle "Euskararekin zeu irabazle" Lasarte-Oriako udalak euskararen presentzia merkataritzan bermatzeko plana aurkeztu du. Informazio gehiago: http://www.erabili.com/zer_berri/berriak/1133274725

Baionako erietxearen eta EKEren arteko hitzarmena Hitzarmena sinatu dute Baionako erietxeak eta Euskal Kultur Erakundeak, ospitalean Euskaraz taldearen partaidetzarekin. Horren bidez, ama berriei euskara eta euskal kultura hobeki ezagutzeko "opari kulturala" eskaintzen die, esan nahi baita, hiru kanta biltzen dituen diskoa, haurren sortzeari buruzko informazioa eta euskararen familia transmisioa aipatzen dituen liburuxka. Euskaraz eta frantsesez dator dena. 600 ale argitaratu dituzte, urte bukaera arte banatzekoak. Informazio gehiago: Euskararen berripapera 162.

Euskara zerbitzuak, zerbitzuak euskaraz Herritarrek, eta bereziki haurrak dituzten gurasoek, udalerrian euskaraz zer zerbitzu, jarduera edota ekimen aurki ditzaketen argi eta garbi eta eskura izateko tresna berria sortu dute Bizkaian. Hainbat udalerri eta udal-elkarte batu dira horretarako, Alkarbide bilgunearen eskutik. Informazio gehiago: http://www.erabili.com/zer_berri/berriak/1136800203

IKERKETAK ETA AZTERKETA LANAK:

Eibarko ahozko artxiboa interneten Eibarren aurkeztu zen "Eibartarren Ahotan Ahozko artxiboa online". Proiektuaren helburua Eibarko ahozko ondarea jasotzea da: herriko nagusiekin berba egin eta antzinako ipuin eta kontuak grabatu eta bideoz jasotzea. Orain, hori guztia Interneten dago kontsultagai. Informazio gehiago: http://www.sustatu.com/1128410038 eta http://www.egoibarra.com/Eibar/Eibartarren_Ahotan

Euskal kultura hiriko eremu publikoetan 2005eko apiriletik iraila arte, Bordeleko Unibertsitatean ikasketak egiten dituen Julie Bercetchek memorio bat idatzi du euskal kulturak hirian duen tokiaz. Euskal kultur erakundeak abiatu Batekmila egitarauan sartzen da. Azterketa lan hau osorik irakur daiteke gure web-orrian materialen atalean: http://www.soziolinguistika.org Informazio gehiago: http://www.eke.org/albisteak/1132755634

Marges linguistiques: Hizkuntza gutxituei buruzko ale berezia Marges linguistiques-ren 10. zenbakia Hizkuntza gutxituei buruzko da. Euskararen inguruko bi artikulu irakur daitezke bertan, bata J-B. Coyosek idatzitakoa eta bestea E. Urteagak osatutakoa. Informazio gehiago: http://marges.linguistiques.free.fr

SOZIOLINGUISTIKA KLUSTERRA

BAT soziolinguistika aldizkaria

Hurrengo zenbakia (58): Dosierra: Euskararen egoera Nafarroan: hizkuntza politika eta bestelako ekimenak

Azken zenbakia (57): Dosierra: Euskararen erabileraren eta normalizazioaren azterketa lan munduan:

Lan-mundua: gaurko egoera eta asmoak. Nikolas Gardner
Erabilera plana abian jartzea erabaki estrategikoa da enpresarentzat. Amaia Lariz
Erabilera planen aldeko argudioak Patxi Alaña (Artez)
Debagoienako esperientzia. Joxerramon Elortza, Inaxio Garro, Errukane Aperribai (Euskalan Elkartea)
Aurrerapausoak erabileran: esperientzia praktikoak:
Arlan: 13 urteko euskara plana Patxi Alaña - Begoña Fernandez IHM Fundazioaren Goazen egitasmoa Edurne Bilbao (IMH) eta Mikel Urdangarin (Ahize) Euskararen haizeak Fagor Arrasaten Eñaut Apaolaza (Emun), Joxean Alustiza (Fagor) Elkargiren euskara plana: 2 urteko esperientzia Axier Baglietto (Elhuyar)
EKKO: Euskarazko Komunikazioaren Kudeaketa Organizazioetan Kepa Atutxa eta Ibai Atutxa (Egaratu Kooperatiba Elkartea)
Jarrera, portaera, motibazioa, eta parte-hartzea enpresetako euskara-planetan. Nekane Arratibel (Huhezi) eta Joxpi Irastortza (Emun)
Sozioekonomia arloaren bilakaera Katalunian: ikerketak eta ekintza-planak Ernest Querol
Immigrazioa, naziotasuna, eta herritartasuna. Castillo Suarez eta Pedro Albite
Hizkuntza eskubideak eta euskara hezkuntza sisteman. Iñigo Urrutia. Eunate Prieto Harremanetarako: kluster@soziolinguistika.org
Euskal Herriko Kale Erabileraren neurketa orokorra abian da Abian da EHko Kale Erabileraren neurketarako prestakuntza da. Lehen urratsa proiektu honen finantzazioa osatzea izango da eta horretarako udalei herrian neurketa berezia egin edo proiekturako dirulaguntza eskaintzeko aukeren berri eman diegu.
Soziolinguistika Klusterraren argitalpen berria ingelesez Internacional Journal of the Sociology of Language 174. Euskal Herriari buruzko ale berezirako prestutako hainbat artikulu ez zuten argitaratzerik izan J. Fishmanek zuzentzen duen aldizkarian, aldizkari honen neurriak direla medio. Soziolinguistika klusterrak argitalpen berezi bat prestatzen ari da artikulu guzti horiekin. Ingelesez argitaratuko den liburu honen titulua The Case of Basque: Past, Present and Future izango da eta bere helburua Euskal Herriko egoera soziolinguistikoa Euskal Herritik kanpo ezagutaraztea da. Liburuaren edizioaren koordinatzaileak Maria-Jose Azurmendi eta Iñaki Martínez de Luna izango dira.
ARGITALPENAK:

Las lenguas de un reino: historia lingüística hispánica Egileak: Mª Teresa Echenique Elizondo, Juan Sánchez Méndez Argitaratzailea: Madrid : Gredos, D.L. 2005. Liburu honetan Estatu espainolaren historia linguistikoa aurkezten da modu osatu batean. Hizkuntz bilakaera historikoa ez ezik, modu deskriptiboa eta juridikoak ere agertzen dira liburu honetan.

HANDBOOK of Bilingualism: psycholinguistic approaches Egileak (editoreak): Judith F. Kroll, Annette M. B. De Groot. Argitaratzailea: Oxford University Press, 2005. Ingelesez argitaratutako lan honetan elebiduntasunari buruzko azterketa egiten da. Jorratzen diren gaiak anitz eta interesgarriak dira. Tartean, bigarren hizkuntzaren ikaste prozesua aztertzen da, eta oinarri biologikoak eta elebiduntasunaren ondorio kognitiboak agerian uzten dira.

Derechos lingüísticos y euskera en el sistema educativo Egilea: Iñigo Urrutia Libarona. Argitaratzailea: Lete Argitaletxea, D.L. 2005. Egilearen doktorego tesian oinarritutako argitalpen honetan hezkuntza sistema eta euskara aztertzen dira. Euskal Herriko hiru eremu administratiboen bilakaera historikoa aurkeztu ondoren, Europa maila ere aztertzen da. Liburuaren bukaeran gaurko egoeraren diagnosia egiten da, EAEn, Nafarroan eta Ipar Euskal Herrian.

Gazte hizkerari buruzko liburua Egileak: Azpeitiko Euskara Patronatua eta Urtxintxa "Gazte hizkera: jardunaldien hitzaldiak eta ondorioak" izeneko liburua aurkeztu dute Azpeitiko Euskara Patronatuko lehendakaria Ana Mendizabalek eta Urtxintxa Eskolako Jaime Altunak. Liburuan hainbat adituk 2005eko apirilean ospatutako jardunaldietan egindako hitzaldietan eta mahai inguruetan esandako guztiak biltzen dira. Informazio gehiago: http://www.erabili.com/plangintzak/gurien/1133544673
L'analyse des actions et des discours en situation de travail: concepts, méthodes et applications Egileak (editoreak): Laurent Filliettaz & Jean-Paul Bronckart. Argitaratzailea: Louvain-La-Neuve : Peeters, 2005. (Bibliothèque des Cahiers de l'Institut de Linguistique de Louvain. Frantsesez argitaratutako lan honetan hizkuntzaren eta lanaren arteko harremanak aztertzen dira. Tartean, hizkuntzaren lekua lana aztertzeko ereduetan aurkitzen da.

Discourse and power in a multilingual world Egilea: Adrian Blackledge. Argitaratzailea: Amsterdam : John Benjamins, cop. 2005. Lan honetan egoera eleanitzetan, hizkuntzaren inguruan dauden botere tentsioak aztertzen dira, bereziki sortzen diren diskriminazioak eta diskriminatoriak diren diskurtsoak.

Le bilinguisme pour grandir: naître bilingue ou le devenir par l'école Egilea: A. Geiger-Jaillet. Argitaratzailea: Paris : L'Harmattan, D.L. 2005. Liburu honen lehenengo partean gazteak elebidunak izateko problematika azalarazten da, etxeko eta hezkuntzako ikuspegitik. Bigarren zati batean 2. hizkuntzaren irakaskuntza munduko hizkuntza sistemetan aurkezten da eta azken zatian Frantziako kasua agerian usten du egileak.

Le discours en interaction Egilea: Catherine Kerbrat-Orecchioni. Argitaratzailea: Paris : Armand Colin, imp. 2005. Diskurtso analisia interakzioan gaiari buruzko aurkezpen teorikoa egin eta gero, hiru kapitulu nagusitan banantzen da C. Kerbraten liburua. Lehenengo zatian solasaldien negoziazioa aztertzen da, bigarrenean gizalegea interakzioko diskurtsoan eta hirugarrenean ikuspegi konparatiboa nagusitzen da.
Language planning and policy in Europe Egilea (editoreak): Robert B. Kaplan and Richard B. Baldauf. Argitaratzailea: Clevedon : Multilingual Matters, cop. 2005 (1. alea) 2006 (2.alea) Liburu honek bi ale ditu , lehenengoa non Hungariako, Finlandiako eta Suediako aurkezpenak egiten diren 2005ean argitaratu zen. Bigarrena aldiz 2006an argitaratu da eta bertan Txekiar errepublikaren, Europako Batasunaren eta Ipar Irlandaren hizkuntza plangintzak aurkezten dira.

Language rights in the Basque Country Egilea: Hizkuntz Eskubideen Behatokia . Argitaratzailea: AIruñea : Hizkuntz Eskubideen Behatokia, LG 2005. Behatokiak ingelesez argitaratutako liburu honetan bost kapitulutan banantzen da. Lehengoan Behatokiaren eta bere proiektuen aurkezpena egiten da Hurrengo bi kapituluetan egoera demolinguistikoa eta juridikoak plazaratzen dira eta azken bi kapituluetan urteko balantzea eta ondorioak islatzen dira.

Lenguas en guerra Egilea: Irene Lozano. Argitaratzailea: Pozuelo de Alarcón: Espasa, D.L. 2005. Liburu honetan Estatu Espainiaren egoera eleanitzari buruzko eta honen gestioari buruzko gogoeta bat egiten da. Liburu honek 2005ko Espasa Ensayo saria jaso zuen.

Discourse and power in a multilingual world Egilea: Adrian Blackledge. Argitaratzailea: Amsterdam : John Benjamins, cop. 2005. Lan honetan egoera eleanitzetan, hizkuntzaren inguruan dauden botere tentsioak aztertzen dira, bereziki sortzen diren diskriminazioak eta diskriminatoriak diren diskurtsoak.

BESTELAKOAK

Kazetaritza euskaraz: liburu bat sarean 2004ko azaroan egindako Kazetaritza euskaraz jardunaldietako materialarekin liburua editatu du EHUk. Sarean jarri dute PDF formatuan, jaisteko moduan. Eta horrelaxe bakarrik, ez baitago paperezko bertsiorik. Informazio gehiago: http://www.kazetaritza.org/kazetaritza/7/kazetaritza

Euskarazko aldizkari juridiko berria Zuzenbidearen Euskal Akademiak lehenbizikoz erabat euskaraz argitaratu du bere aldizkari juridikoa. "Erabili.com"-en eskura daiteke. Informazio gehiago: http://www.erabili.com/zer_berri/berriak/1132927887
Basqueliterature.com orri berria aurkeztu da Basqueliterature.com lau hizkuntzatan plazaratzen den euskal literatura ataria da. Bertan Euskal literaturari buruzko hainbat argibide aurkitzen dira, hala nola, Euskal literaturaren historia laburra, euskal egile, obra nahiz itzulpenen katalogoa edo euskal literaturari buruzko albistegia.Argibide gehiago: http://www.basqueliterature.com/

Eusko Legebiltzarrak euskararen alde lan egingo du Izaskun Bilbao Eusko Legebiltzarreko lehendakariak Euskararen Nazioarteko Eguna zela-eta, Eusko Legebiltzarrak onartu duen euskararen aldeko adierazpen instituzionala irakurri du. Informazio gehiago: http://www.erabili.com/zer_berri/muinetik/1133546731

Euskara jakitea bermatuko duen hizkuntza eredua 2007an EAEko ikasleek euskara ikasi eta jakingo dutela bermatzeko, hizkuntza eredu berri bat sortu eta egungo legedia berritu egin behar dela erabaki du Eusko Legebiltzarrak, PSOE, EHAK, Aralar, Ezker Batua, EA eta EAJ alderdien aldeko botoekin. Informazio gehiago: http://www.erabili.com/zer_berri/berriak/1133820042

Gurasoentzat kontsulta gunea euskaraz Ikastolen Elkarteak 0 eta 16 urte bitarteko seme-alabak dituzten gurasoei eta haur eta gazte horiekin lan egiten duten profesionalei bereziki zuzendutako kontsulta gunea abiarazi du: http://www.semealabok.net Informazio gehiago: http://www.erabili.com/zer_berri/berriak/1132651653

Soziolinguistikaz berripaperaren 07. zenbakia

Soziolinguistikaz berripapera word formatoan jaitsi nahi baduzu, sakatu hemen

AGENDA

2006ko apirilaren 13an Lexiko-semantika eleanitza 2006ko apirilaren 13an Belgikako Louvainen iturri lexiko-semantiko eleanitzei buruzko lan jardunaldiak burutuko dira. Lan-jardunaldiak CENTAL-ek antolatuak dira, iturri lexiko-semantiko eleanitzen ekarpena hizkuntzaren tratamendu automatikorako jorratuko da jardunaldi horietan.

Argibide gehiago: http://libresource.inria.fr/projects/TALN-MulLexSem

2006 apirila 12-15. Evolution of Language Hizkuntzaren bilakaerari buruzko munduko 6. jardunaldiak burutuko dira Roman apirilaren 12tik 15a bitartean. Gizakiaren hizkuntzaren garapen azterketa diziplina askoren ikuspuntutik egingo da: antropologiatik, genetikatik, hizkuntzalaritzatik, psikologiatik e.a Argibide gehiago: www.plymouth.ac.uk/evolang6 /

2006 apirila 18-21. Linguistika orokorrari buruzko VII. biltzarra Linguistika orokorrari buruzko VII. Biltzarra antolatuko da Bartzelonako unibertsitatean apirilaren 18tik 21era. Biltzarra Bartzelonako Unibertsitatearen Filologia Fakultateko Linguistika Orokorreko Sailak antolatu du. Informazio gehiago: http://www.ub.edu/ling/clg7/index.htm /

2006 maiatza 25-27 Fonologiari buruzko XIV. bilkura 2006ko maiatzaren 25tik 27ra, Fonologiari buruzko XIV. bilkura burutuko da Manchesteren. Bilkura Edinburgheko, Manchesterreko, Toulouseko eta Montpelliereko unibertsitateko fonologoak antolatua da. Argibideak: http://www.englang.ed.ac.uk/mfm/14mfm.html

2006 maiatza 1-4 Hego Amerikako hizkuntza politikari buruzko bilkura Hego Amerikako hizkuntza politikari buruzko bilkuran aipatuko den gai nagusia "Hizkuntza(k) eta herriak: unitatea eta aniztasuna" izango da. Bilkura Paraibako unibertsitatean egingo da 2006ko maiatzaren 1etik 4ra bitartean. Argibide gehiago: http://www.gelne.org.br/cipla_es.htm

EKIMENAK ETA KANPAINAK:

Hizkuntza paisaiari buruzko laborategia Hizkuntza paisaiari buruzko laborategia TEKNIKARI programaren baitan dagoen egitasmoa da. Gipuzkoako udalerrien ezaugarrietara egokitutako aholkularitza zerbitzua da Gipuzkoako Foru Aldundiko Euskararen Normalkuntzako Zuzendaritza Nagusia sustatzen duen TEKNIKARI programa. (www.Gipuzkoaeuskara.net) Informazio gehiago: http://www.gipuzkoaeuskara.net/albisteak/1139566859

Euskara errazago erabiltzeko liburua merkatarientzat Donostiako 5.000 saltegitan liburu bana jasoko dute eguneroko lanean erabiltzen dituzten idazkiak txukun eta euskaraz egin ahal izateko. Liburua Donostiako Euskararen Udal Patronatuak prestatu du. (www.erabili.com) Informazio gehiago: http://www.erabili.com/zer_berri/berriak/1138128274

1+1=bi: ele bi 2-3 urteko umeen aurrematrikulazio epea hasteaz batera, Bizkaiko 43 udalerrik *1+1=bi, benetako elebitasunaren alde* lelopeko kanpaina bultzatu dute, hezkuntza elebidunaren onurak eta, batik bat, euskarazko ereduen onurak ezagutarazteko asmoz. (www.erabili.com) Informazio gehiago: http://www.erabili.com/zer_berri/berriak/11

Posta-e.