Vous êtes ici

V. HAUSNARTU - 2012ko Euskal Soziolinguistika Sariak

Ekitaldi mota:

V. EUSKAL SOZIOLINGUISTIKA SARIAK (2012)

SARI-BANAKETA EGIN DA

VI. Euskal Soziolinguistika Jardunaldian


VI. Euskal Soziolinguistika Jardunaldia Donostian burutu da 2013ko urtarrilaren 31n, Ikasleen jarduna: emaitzen hausnarrean ARRUE ikerketa izenburu eta gai hartuta. Bertan Hausnartu sarien banaketa egin da:
	1. SARIA: Iñigo Fernandez Ostolazaren izenean Joxerra Gartziak jaso du saria. Saria ematen Patxi Baztarrika Eusko Jaurlaritzako Hizkuntza Politikarako Sailburuordea
2. SARIA: Xabier Bengoetxea Muxika Saria ematen Zigor Etxeburua Gipuzkoako Foru Aldundiko Euskara Zuzendari Nagusia
	3. SARIA: Antton Ugarte Muñozen izenean Miren Muñozek jaso du saria. Saria ematen Estiñe Astorkia Soziolinguistika Klusterreko lehendakaria
		Hiru saridunak (edota ordezkariak)

Soziolinguistika Klusterrak antolaturiko V HAUSNARTU Euskal Soziolinguistika Lehiaketako sariak erabaki ziren 2012ko abenduaren 13an buruturiko epai-mahaiaren bileran.
Aurkezturiko lanak saritzeko orduan epai-mahaiak deialdian ezarrita zeuden irizpideak kontuan hartu ditu, bereziki, euskal soziolinguistikarentzat berritzailea izatea, eta, neurri batean, euskal eremuan aplikagarria izatea. Epai-mahaiaren bilera 2012ko abenduaren 13an izan zen, eta bertan parte hartu zuten honako kideek:

Pello Jauregi, Pedagogiako UPV-EHUko Hezkuntzaren Teoria eta Historia Saila Iñaki Martinez de Luna, EHUko irakaslea, BAT Soziolinguistika aldizkariko argitalpen batzordea Joxean Amondarain, Gipuzkoako Foru Aldundiko Euskara teknikaria. Iván Igartua, Eusko Jaurlaritzako Hizkuntza Politikarako Koordinaziorako Zuzendaria
Hartutako erabakiaren arabera honako lanak saritu ziren:
Lehen saria, 1.500 €. Hizkuntza gutxituen eraginkortasuna pertsuasio prozesuetan. Euskararen kasua EAEn. Iñigo Fernandez Ostolaza Bigarren saria, 1.000 €. Arnasguneak. Ezaugarriak. Zenbait arnasguneren egoeraren behaketa. Xabier Bengoetxea Muxika Hirugarren saria, 700 €. Federiko Krutwigen asmo soziolinguistikoa gerraostean (1949-1951). Antton Ugarte Muñoz

LEHIAKETAKO OINARRIAK
EGILEA
Bakarra edo lantalde bat aurkeztu ahal izango da.
FORMATUA
Word formatuan bidaliko dira eta irudiak ere izan ditzakete.
LUZERA
Lehiaketak ez dio lanaren luzerari mugarik jarri. Nolanahi ere, gehienez 30.000 karaktere (hutsunerik gabe) dituen laburpena leharaziko du egileak, jatorrizko lana muga hori baino luzeagoa bada.
EPAI-MAHAIA
Soziolinguistikan adituak biltzen dituen lantalde batek ebaluatuko ditu jasotako lanak. Epaimahaia osatuko duten kideak honako hauek izango dira: Eusko Jaurlaritzako Hizkuntza Politikarako Sailburuordetzako ordezkaria Gipuzkoako Foru Aldundiko ordezkaria BAT Soziolinguistika Aldizkariko ordezkaria Soziolinguistika Klusterreko kidea Euskal soziolinguistikan aditua den beste pertsona batek ordezka dezake aurreko mahaikideren bat, egoki ikusiz gero.
SARIAK
Lehen saria: 1.500 € Bigarren saria: 1.000 € Hirugarren saria: 700€
ZABALPENA
Lan hoberenak BAT aldizkariaren berariaz prestaturiko ale berezian argitaratuko dira.
LAN SARITUEN ERREFERENTZIA
Lan sarituak BAT Aldizkarian argitaratuko dira lehenbizikoz. Lan horien ondorengo aipamenetan berariaz jaso beharko da Soziolinguistika Klusterrak antolatutako HAUSNARTU Sarietan saridun izana.
EPEA
2012ko urriaren 31 arte.
NORA
hausnartu@soziolinguistika.org
DATUAK
Egile guztien izena eta bi deiturak Helbide postala zein elektronikoa Telefono-zenbakia Lanbidea: Irakaslea, ikaslea, euskararen gaietan profesionala, euskaltzalea e.a. Lantokia, hala badagokio: Unibertsitatea, Fakultatea, e.a.


Laguntzaileak: